حوار الصحفي مريم احمد
الصحفية مريم خالد
للكتابة سحرها الخاص
السلام عليكم
گ مريم خالد البارودي من جريد جاردينيا وأريد عمل لقاء صحفي معاكي
- ما هو اسمك؟
مريم احمد
- كم عمرك؟
15سنه
- محافظتك؟
بني سويف
- لقبك، وما سبب اختيارك لهذا اللقب:
طيف ،علشان بيعبر عن الالوان وانا بحب التصميم والديزاين....الخ
- ما هي موهبتك؟ وكيف علمتي بها؟
الكتابه والتصميم ،لقيت نفسي بكتب كلمات متناسبه مع بعض ولقيت نفسي بعرف اعمل شهادات وبعدين كافرات واغلفه...الخ
- حدثينا عن مشواركي الكتابي؟
دخلت كيانات كتييير اوي علشان انمي موهبتي سواء كتابي او تصميم وكنت بقرأ لكُتاب كبار علشان اعرف الاخطاء اللي بقع فيها واحاول مغلطش نفس الغلط وكنت بقرأ لكُتاب صغار برضوا ممكن يكونوا احسن مني وبستفيد في الحالتين
- هل في يوم حد قالك إن انتي مش موهوبه أو وجهلك كلام خلاكي تحسي إنك مش موهوبه ولا كان المجتمع الي حوليك بيحبوا موهبتك وبيشجعوكي..؟
في ناس كانت بتحب كتباتي جدااا وفي طبعاا ناس كانت بتنتقدني ف الصراحه وكد إن كتاباتي وحشه واني مستحقش كل دا بس اللي كانوا بيحبوا كتاباتي كانوا بيشجعوني كتير اووي بس محدش قالي ان كتاباتك وحشه وش ف وش او في الشات ديماا بيقولولي علي صراحه.
- هل لديكي أعمال؟ وما الذي استطعتي تحقيقه منذ بدايتك في الكتابة؟
اه حاليا بكتب ف روايه انتقام احفاد الصعيدي، بالنسبه للي استطعت تحقيقه شاركت في كتب الكترونيه زي من اجل امي،فلسطين ،وشاركت ف كتب ورقيه زي ارواح معلقه،.....الخ
- هل أنتي عضوة في أحدى الكيانات؟ وما هم؟ وما أول كيان دخلتيه؟ وهل حصلتي على الإفادة من أحدهم؟
ايوه، زي مثلا كيان لتين، وادي العظماء، چوليو، حلم كاتب ريفي، حنين القلم، اسكانور، اول كيان دخلته كان كيان مش فاكره اسمه تحديدا لانه من زمان اووي، ايوه حصلت كانت المؤسسه اسمها نورهان افادتني بشكل كبير
- ما هي التكريمات والشهادات التي حصلتي عليها؟
حصلت علي شهادات المركز الاول في الكتابه وعلي شهادات ودرع المركز الاول في التصميم
- من أول شخص عرف بموهبتك ودعمك؟
انا اول واحده عرفت بكده بس لما بابا عرف هو اللي دعمني جدااا ودا كان مفرحني اوي
- هل لديكي أوقات مخصصة للكتابة؟
اه بخصص كام ساعه كد ارتجل واكتب فيها سواء علي جمل او صوره
- خلينا نتخيل أن موهبتك العظيمة دي هي طفلتك المدلله قليلنا ازاي بتتعاملي معاها عشان تنميها؟
هقرا كتير جدا دا اهم حاجه هشوف تصميمات لأشخاص اعلي مني هكتب كتير ومحاولش اغلط نفس الغلط مرتين، غلط مثلا تلاته المره الجايه اتنين المره اللي بعدها واحده لحد ميكونش فيه خالص
- هل قرأتي كتب؟ وما أفضل الكتب التي قرآتيها؟
اه قرات كتب في مثلا لو روايات قرات للكاتبه الكبيره زيزي روايه عشق الزين والكاتبه اللي طلعت تريند ايه يونس عشقت مجنونه
والكتب زي فرجيتو وتراب الماس للكاتب احمد مراد وكتاب هيبتا للكاتب محمد صادق
- كلمينا عن قدوتك؟
قدوتي اولا الرسول صلى الله عليه وسلم
ثانيا بابا
ثالثا في الكتابه الكاتبه اسراء الزهدي من الكُتاب اللي اتعرفت عليهم والكاتبه روتيلا برضو
- ما هو هدفك في الفترة القادمة؟
اني انمي من موهبتي اكتر وادخل اشارك في كتب اكتر واني اكون معروفه ان شاء الله
- نصيحة للكتاب المبتدأين تقوليلهم أي؟
إن مهما كان حد قالك أو انتقدك بكتاباتك متسمعيش ليه تجاهليه ولا اكنه قال حاجه متديلوش الفرصه أنه يأثر عليكي ومتسبيش حاجه انتي بتحبيها متقعوش ف نفس غلطي زمان
- هل تريدين تقديم الشكر إلى أحدهم؟
ايوه بقدم الشكر اولا لبابا لانه هو اكتر واحد دعمني حرفيا اول لما عرف اني بعرف اكتب وللكاتبه اسراء الزهدي حرفيا من احلي الكُتاب اللي اتعرفت عليهم وبتمني اشكر صحابي سوشيال زي مريم ناصر وصفاء مصطفي .....الخ ناس كتير اوي وبحب اشكر الناس اللي حبت روايتي زي شيرين عادل ....الخ بجد بحب اشكركم جداااا جداااا
- شيء من كتاباتك:
هل تركتني حقًا!!! لم اعهد هذه القسوه التي في قلبك اتجاهي، ولكن لماذ؟ لماذا تفعل بي هكذا؟انا لم افعل اي شيء يدعي الي ان تذهب وتتركني، ام ذهبت لأنك مللت مني؟، او لانك وجدت اخري تهتم بك مثل ماكنت افعل؟، اهذا جزائي لاني احببتك بصدق واهتممت بك وكنت اقلق دائما عليك؟ احقًا هذا جزائي ؟!!، هل جزائي أنني ادعس علي كرامتي دائمًا لكي ارضيك ؟، لا لن اتمسك بك واترجاك لكي تبقي مره أخري، هذه المره لن ادعس علي كرامتي بعد الان، بل سأدعس علي قلبي الذي مزقته الي أشلاء، لكن لا تأتي وتطلب السماح، اسفه ولكن انت اخترت الذهاب وانا اخترت عوده ذات القلب المتحجر من جديد.
- أتمنى أن تحققي ما ترغبين به، وهكذا يكون قد أنتهى اللقاء، ونتمنى لكي النجاح فيما هو قادم، وكان شرف لنا عمل اللقاء معكي، والسلام عليكم.
تعليقات
إرسال تعليق