حوار صحفي أحمد بشري
الصحفية مريم خالد البارودي
السلام عليكم
گ مريم خالد من جريده جاردينيا وأريد عمل لقاء صحفي معك
- ما هو اسمك؟
أحمد بشري عبد الخير عبد الكريم
- كم عمرك؟
21 سنة
- محافظتك؟
البحيرة
- ما هي موهبتك؟
الاذاعة، من زمان جداً وبحب أغير في تون صوتي بأستمرار وأن أحكي حكايات للناس اللي حواليا، التمثيل المسرحي (في بداية الطريق)
- كيف اكتشفت هذه الموهبة؟ ومنذ متى؟
لما كنت طفل صغير تقريباً وأنا عندي 12 سنة كنت بقعد أسمع القرأن جمب راديو صغير لسة عندي لحد دلوقتي، وكنت دائماً بيجيلي سؤال ممكن يكون تافه من وجهة نظر ناس كثير
هو في حد قاعد جوه الراديو بيتكلم؟
سؤال مش مهم بالنسبة للناس لكن أنا كنت بسال نفسي السؤال ده كل يوم وكمان زاد فضولي لما بدات أتفرج علي أفلام انيميشن وماكنتش أعرف أي شئ عن الأذاعة الا قليل جداً لحد تقريباً لما دخلت الثانوية وبدأت أبحث أكثر في الموضوع لحد ما بدأت أكون صورة بسيطة عن الموضوع والحمد لله.
- مَن أول شخص عرف بموهبتك ودعمك؟
الارتجالي : محمد حسام , هو الشخص الأول اللي قالي أنت هتبقا مذيع صاعد عمري ما نسيت الكلمة ديه لما قالها في لايف قدام الناس.
- حَدَّثَنَا قليلًا عن مشوارك وخوضك لهذا الفن؟
البداية كانت في 2 ثانوي تقريباً، لما قابلت صديق ليا عنده خليفة عن الاذاعة وعلمني بشكل مبدائي وأنا بصراحة حبيت الموضوع بشكل أكبر، والحقيقة كنت واخد الموضوع باهمال شوية وديه كانت خسارة كبيرة جداً بالنسبالي، لحد ماجت فترة كورونا وفكرت التزم شوية وكانت مفاجاة من تفاعل الناس وكانت البداية الحقيقية من 2021.
- ما هي التكريمات التي حصلت عليها؟
حصلت علي تكريم من وزارة الثقافة في عرض مسرحي حضره سفير من الصين
- هل في يوم حد قالك إن أنت مش موهوب أو وجهلك كلام خلاك تحس إنك مش موهوب ولا كان المجتمع اللي حواليك يحبون موهبتك ويشجعوك ...؟
كثير من أحبطوني، وكثير من شجعني
لكن الفكرة أن في فرق بين الاحباط والتوجه يعني لما حد يقولي كلام سئ بهدف التوجه يعني عايز يشوفني بشكل أفضل فأنا الحقيقة بفضل النوعية ديه من الأراء الحقيقة، وبرضو كانت في أراء غير منطقية وكانت تاثر عليا في البداية لكن دلوقتي بقيت بركز أكثر علي التعليقات السلبية البنائة لانها هي اللي هتكون النجاح بشكل كبير.
- خلينا نتخيل أن موهبتك العظيمة دي هي طفلتك المدللة قلنا أزاي بتتعامل معاها عشان تنميها؟
أن أتحمل مسؤلية الموهبة، أحاول أبطل أهمل من ناحيتها، أحاول أطور في التعامل معاها لانها هي اللي هتصنع النجاح ليا.
- ما رأيك فمجال الاذاعه؟
من وجهة نظري هو مجال كويس من ناحية أنك تتطور من مهارات صوتك وتعاملك مع الناس لان الاذاعة أو أي موهبة بشكل عام بتساعدك تتطور من المهارات الأخري زي القراءة مثلاً أو ممارسة الرياضة أفضل بكثير من أني أضيع وقتي في حاجة ملهاش أي فايدة.
- هل تظن أن باستطاعة أي شخص أن يصبح مذيع؟
لا طبعاً لان أنا نفسي لا أصنف نفسي كمذيع لانها كلمة ثقيلة جداً عليا انما أنا مقدم قصص صوتية بحب أحكي قصص بالشكل اللي أنا بحبهُ.
- كلمنا عن قدوتك؟
الكاتب أحمد خالد توفيق، بدات أقراء ليه في وقت متاخر للأسف الشديد وأكتشفت أننا خسرنا راجل عظيم حقيقي من الصعب أنه يتعوض ومبسوط جداً أن أعمال كثير ليه بتتحول بشكل تلفيزيوني وبتمني كل أعماله يتعمل معاها كدة.
- ما هو هدفك في الفترة القادمة؟
حالياً أنا هدفي أشتغل أكثر في انتشار قصصي بشكل أكبر، هدفي الأكبر أن أقدم النصائح بشكل مُبسط عن طريق القصص بتاعتي لان بتبقي من أسعد لحظات لما حد يقولي (أنت قدوة ليا) وديه حصلت كذا مرة.
نصيحة لمحبي الاذاعه المبتدأين تقولهم أي؟
الأستمرارية ثم الأستمرارية ثم الأستمرارية
الموهبة عمرها ماكانت كفاية لازم تديها حقها من الألتزام حبها كأنها بنتك هتفرق معاك جداً الأستمرارية.
- هل تريد تقديم الشكر إلى أحدهم؟
أولاً طبعاً الصحفية الجميلة: مريم خالد البارودي وحقيقي كنت سعيد جداً بالحوار ده، ثانياً أمي العزيزة لانها طول عمرها مؤمنة بهدفي، ثالثاً الارتجالي محمد حسام لأنه هو أول واحد تبناني في المجال، وأخيراً المستمعين الجمال أو أخواتي الغالين لان من غيرهم أنا ولا حاجة.
- أتمنى أن تحقق ما ترغب به، وهكذا يكون قد انتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم
تعليقات
إرسال تعليق