حوار صحفي فاطمة عيد
الصحفية مريم خالد البارودي
السلام عليكم
- گ مريم خالد من جريد جاردينيا وأريد عمل لقاء صحفي معك
- ما هو اسمك؟
فاطمة عيد
- كم عمرك؟
20
- محافظتك؟
السويس
- لقبك؟
ليس لدي
- ما سبب اختيارك لهذا اللقب؟
ليس لدي.
- ما هي موهبتك؟
الكتابة
- كيف اكتشفت هذه الموهبة؟ ومنذ متى؟
كثرة تفكيري لفتت انتباهي إن لازم الفكر ده يتسجل على الورق برغم إن لحد دلوقتي كتباتي مش بتنتمي ليا بشكل شخصي و مرة واحدة قررت أجازف و أجرب، من خمس سنين تقريبا لكن بداية إنتشار اسمي على المنصات كانت من اربع سنين
- مَن أول شخص عرف بموهبتك ودعمك؟
اتنين من صديقاتي الحقيقة اللي اكتشفت الاول كانت "ندا ابو الحسن" و اللي كانت داعمة ليا ف مشواري هي "نعمة الله زكريا"
- ما هو اللون الأدبي المفضل بالنسبة لك؟
الفترة الاخيرة بقت الاعمال الروائية يمكن لإني بشوف إن ثقافة الشخص اللي هتفيده بشكل عملي هي الاطلاع على اللي يخص مجاله.
- حَدَّثَنَا قليلًا عن مشوارك وخوضك لهذا المجال؟
لحد دلوقتي مشواري بينحصر ف جانب النشر الالكتروني بشكل ملحوظ نظرًا لكوني مترددة ف إني أخد خطوة الورقي و حريصه إن أول عمل روائي ورقي ليا يكون مرموق و يليق بـ قارئه
- هل لديك أعمال؟ وما الذي استطعت تحقيقه منذ بدايتك في هذا المجال
شاركت في كتاب خواطر مجمع سنة 2021 وهو عزيزتي إيزيس و ليا خمس روايات الكترونيه "الضيف الخفي، تنَّاثُر العشق ،ظلام الرعد، لحن الهوى لم يشدو" ، سلسلة خواطر أحبار عابثة كان إصدارها الكتروني على حسابي الشخصي ده غير الخواطر اللي موجوده على حسابي الحالي.
- ما هي التكريمات والشهادات التي حصلت عليها؟
الحقيقه الشهادات اللي حصلت عليها مش كتير لاني مش بكترث للمسابقات بشكل جادي و يمكن دي مشكله لكن.
حصلت على شهادة تقدر من صالون العراف الثقافي في نهاية 2021، كذلك كيان قلمي مرسال قلبي لكوني شاركت في كتاب عزيزتي إيزيس، و بعض شهادات التقدير كانت خاصه بمسابقات الارتجال التابعه لجروب موكا سحر الروايات، مش فاكره باقي الشهادات الحقيقه
- هل أنت عضوة في أحد الكيانات؟ وما أول كيان دخلته؟ وهل حصلت على الإفادة من أحدهم؟
نعم كيان لسه في بداية تأسيسة وهو اوراق مبعثرة التابع للكاتبه ندى مصطفى، غالبًا أول كيان دخلته كان كيان سكون لكني مكنتش ملتزمة في الحقيقة بسبب الدراسة و بالتالي مقدرش احكم على الاستفادة ،الكيان اللي موجوده في حاليا موجوده في لإفادة الزملاء قبل الإستفادة.
- هل في يوم حد قالك إن أنت مش موهوب أو وجهلك كلام خلاك تحس إنك مش موهوب ولا كان المجتمع اللي حواليك يحبون موهبتك ويشجعوك ...؟
اكيد بصادف النقض بشكل متهكم أحيانًا لكنها بتكون من الأقليه عشان كده مش بلتفت ليهم ،المجتمع حواليا دوره بينحصر ف دعم صحابي المقربين لإني مش بتكلم عن موهبتي كتير مع العيلة أو باقي الدواير الاجتماعية ف حياتي عشان كده مقابلتش نقض من معارفي يا مُجاملة يا سكوت.
- خلينا نتخيل أن موهبتك العظيمة دي هي طفلتك المدللة قلنا أزاي بتتعامل معاها عشان تنميها؟
بغض النظر عن كثرة الإطلاع مؤخرًا إلا إني ساعات ببعد عشان أقدر أكمل مرة تانية ،بحاول أرتب أفكاري بشكل أوضح كمان لأنها دايما ف أولها بتكون فوضويه، بحب أقرب من الناس و أفهم سيكلوچيتنا ك بشر شويه لاني مهتمة إني أكتب ف الإطار الاجتماعي المايل للواقع أكتر من الخيال و يمكن دي حاجه قدرت أثبتها ف أخر عملين ليا عن باقي الأعمال نظرًا لخبرة اوسع قدرت اكتسبها بعد نصايح الزملاء.
- ما رأيك بالورش والكورسات؟
انا لحد دلوقتي بعتمد على نفسي بشكل كُلي يمكن ده مش صح لكن بحس إني مقدرتش أكون مُقيدة ف الكتابة و ده بيخليني أتجنب أي حاجه تخليني مُلزمة أكتب شئ معين أو ف شكل معين حتى لو هستفيد بشكل أوضح من الضوابط اللي هيقدموهالي
- هل قرأت كتبا؟ وما أفضل الكتب التي قرأتها؟
شفيرة داڤنشي لـ دان براون
رواية قواعد العشق الاربعون
و لإني بفضل محمد طارق كانت باريس لا تعرف الحب من أفضل الأعمال اللي إستمتعت بيها
كتاب فن اللامبالاة
و أعمال الأستاذة دعاء عبد الرحمن طبعًا ،و في أعمال تانيه كتير مميزة لكن متذكرة تفاصيل دول بس حاليًا
- هل تظن أن باستطاعة أي شخص أن يكتب؟
الشخص اللي بيملك فكر كويس هو اللي يستحق يكتب لأنه لو مش كده مش هيعرف يكمل، تفكيرك ك كاتب أهم من قوة مصطلحاتك و خبرتك اللغوية، فكرك هو موهبتك و لغُتك دي مهارة مُكتسبه.
- كلمنا عن قدوتك؟
بصراحة مبعرفش أشوف ليا قدوة ف العموم المُطلق، أتمنى إني أعرف أكون نفسي وبس لإني مُتصالحه إن مفيش حد مثالي بشكل كامل.
- ما هو هدفك في الفترة القادمة؟
بشتغل على عمل روائي أتمنى ينول فرصة ظهورة في معرض 2024 إن شاء الله و في خطه تانيه لعمل ورقي آخر لكن هيكون بعد إنتهائي من العمل الحالي، و قريب وارد يكون في عمل إلكتروني اتمنى يكون خفيف على قلوبكم.
- نصيحة للكتاب المبتدأين تقولهم أي.
إلتفاتك يكون للنقض البناء من حد بيملك خبرة ،أكتب لنفسك الأول و بعدين أظهر للناس لإن ده هيساعدك تكون مؤمن بنفسك و تكون الداعم الأول لذاتك وقتها خوض التجربة هيكون أسهل، و أكيد هتقابل فقدان شغف ف الحل بيكون إنك تقاومه شويه مش تستلم لي
- هل تريد تقديم الشكر إلى أحدهم؟
بشكر صديقاتي المقربين و لأنهم كتير مش هذكر أسماء، و بشكر كل الداعمين ليا و ف النهاية بشكر قارئي.
- هل لنا أن نطرق ببعض إبداع قلمك:
ليس الحُب كافيًا؛
أنبئني صمتُكَ بهذا ريثما آسرتُ مسمعكَ بـ إعترافي،
حينها كانت نظراتُكَ واهنة،
لم أُسبر معانيها أكانت تحمل الأسف أم الحيرة !.
لا أعرف لكن لمَ ليلٌ عيناك لازال يسري بعروقي،
عبق كلماتُكَ يغمر عقلي.
أفتقدٌ رؤية إنعاكسي فيكَ فـ منذُ هجرانك لا أراى نفسي،
فقط أراكَ في كل شيء ولا أجدك.
ما كنتُ بمُستسلمة لمكيدة الغرام لكنَ سهام عيناكَ الشريده أصابتني.
من خواطر أحبار عابثة
أتمنى أن تحقق ما ترغب به، وهكذا يكون قد انتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم.
تعليقات
إرسال تعليق