حوار صحفي سلسبيل وائل العطار
الصحفية منى محمد حلمي
لكل منا موهبته الخاصة التي تميزه عن غيره ولكل منا عالما خاصا يغوص بداخله فهيا بنا لنغوص مع إحدى هؤلاء المواهب النادرة إلى عالمه وليخبرنا القليل عنه...
-ما هو اسمك؟
سلسبيل وائل العطار
-لقبك؟
بيلا
-محافظتك؟
القاهره
-دراستك؟
كلية سياحه وفنادق
-ما هي موهبتك؟
الكتابه والصحافه والإعلام
-كيف اكتشفت هذه الموهبة؟
وانا في ابتدائي كنت بكتب جمله مثلا بتعبر عن حاجه حصلت في يومي وكدا، فمُدرسه شافت الكشكول دا لانه بتاع مادتها، وبعدين سألتني مين كاتب دا قولتلها انا؛ ومن هنا المُدرسه بدأت تساعدني ودخلتني مسابقات تبع المكتبه.
-حدثنا قليلًا عن رحلتك في هذا المجال؟
قدمت بعض الحفلات اللي كنت ومازلت اتشرف اني كنت بقدمها، وحضرت بعض المؤتمرات والندوات الجميله مشكورين مرؤسيها.
-ما هو اللون الأدبي المفضل بالنسبة لك؟
دي موهبه فربنا بيرزق الإنسان
في اللي يناسبه ويكون بيعبر عنه
وكل الألوان جميلة وبتناسبني.
وحاليًا بتعلم اخر لون وهو الشِعر.
-هل لديك أعمال؟ وما الذي استطعت تحقيقه منذ بدايتك في هذا المجال؟
ليا بعض الكُتب منها مراسيل املوده كان آخر كتاب ينزل معرض ٢٠٢١
مع العلم انه عمل فردي.
-ما هي التكريمات والشهادات التي حصلت عليها؟
كتير والله الواحد مش بيعد، الحمد لله.
-من أول الداعمين لك، وهل سبق ووجهت لك انتقادات سلبية وقاسية أم أن الجميع كان يدعمك؟
أول حد دعمني هي أمي، حقيقي الفضل كله ليها بعد ربنا
-ما رأيك بالورش والكورسات؟
جميله جدا،وفكره حلوه بحس ان اللي بيساعد غيره انسان سوي، وعشان كده بشوفها فكره جميله.
-هل تظن أن باستطاعة أي شخص أن يصبح موهوب مثلك وأن يخوض هذا المجال؟
الموهبه دي حاجة بتاعت ربنا خلينا متفقين على دا ، ولكن ممكن مع الممارسه يكون في علم ولكن مش موهبه، إلآ اذا كانت الموهبه موجوده وأُثقلت بعلم.
-هل تحب قراءة الكتب؟ وإن كنت كذلك فما أفضل الكتب التي قرأتها؟
اكيد بحب أقرأ، مفيش انسان بيتعلم من الفراغ، كتب كتير جدًا، أنا من الناس اللي بتنسي الأسامي ولكن بتفضل فاكره الغلاف، ودا مش عشان الغلاف جذاب او جميل لا، عشان أنا بفتكر الرسوم والألوان وكدا.
-هل تظن أن باستطاعة أي شخص أن يكون لديه العديد من المواهب أم أن لكل شخص موهبة واحدة لا يستطيع أن يصبح بارعًا في غيرها؟
ارجع واقولك تاني، الموهبه هبة من الله، ممكن يبقى شخص موهوب في كذا حاجة وشاطر جدا، ولكن مثلا مش بيثقل موهبته!
اكيد يعني مش هيستمر في إظهار الموهبه.
-ما هو هدفك في الفترة القادمة؟
بصراحه بفكر اهتم اكتر بمجال دراستي شايفه كدا حلو في مواهبي حققت فيها شيء حتى لو بسيط انا راضيه عنه... الحمد لله
-هل تريد تقديم الشكر إلى أحدهم؟
طبعا احب اشكر امي حقيقي تعبت معايا جدا، واشكر كل شخص قدملي حتى لو كلمه طيبه..
-وجه نصيحة عامة لمن يقرأ هذا الحوار؟
من وجهة نظري ان الانسان لازم لازم يهتم بأي شيء بيحبه ويطور منه عشان يزيد وتفتخر بيه.
حب ربك وأهلك والناس كلها ،لما تحب الناس هتلاقي الناس بتحبك وتساعدك، لو مش كل الناس ساعدتك كفاية ان جزء منهم هيساعد، حتى الجزء اللي مش هيساعد هتكتسب منه خبره.
-هل لنا أن نطلع على بعض إبداعاتك؟
التقينا في إحدى الطرقات صدفه وتفرقنا مع مفترقها!
أتمنى أن تحقق ما ترغب به، وهكذا يكون قد انتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم.
حبيبة قلبي تسلميلي ربنا يوفقك ويكرمك يا رب وتبقى احسن حد في الدنيا
تعليقات
إرسال تعليق