اسكريبت لقاء الروح
إسراء الزهدي
يا داليا بقولك عامل زي الشبح في حياتي في خيالي وفي احلامي وفي كل حتى
داليا: يابنتي اهدي كدا ومتشغليش بالك بيا بقا وبعدين ما انتي اللي مش راضيه تقوليلي ايه اللي بيحصل بالظبط بتقعدي تقوليلي شبح يظهر ومش هينفع اقولك استحملي بقي
يارا: تصدقي انك صحبة مهزقه قوي احكيلك ايه ولا ايه
داليا: احكي كل حاجه
يارا:......
داليا: خلاص متحكيش هسيبك براحتك
يلا بقى سلام عشان انا اتأخرت
ــــــــــــــــ
ستوب اعرفكم بنفسي انا يارا كنت دارسه تمريض عندي 20 سنة ودي صحبتي داليا زي بردو وقد بعض صحبت عمري وبنعمل كل حاجة سوى واللى كنا بنحكي عنو دا ملاك بريء ظهر في حياتي مش عايزة احكيلها عشان مش هتصدقني تيجو احكيلكم قصتي معاه انتو هتصدقونى صح في يوم من الايام حلمت بملاكي دا انا سميتو مالك عشان بعتبرو ملاكي وحاجه حلوه دخلت حياتي
ــــــــــــــــــــــــــ
مالك: ازيك
يارا: كويسه الحمدلله انت مين
مالك: أنا انسان بيحبك ومستعد يحارب الدنيا كلها عشانك بس انتي توافقي بيه وترضى
يارا: بس انا معرفكش
مالك: بكرة تعرفيني يلا مستعجل همشي بقا
يارا: هشوفك تاني
مالك: مش هغيب عنك تاني
ـــــــــــــ
الام: يارا يارا يا حبيبتي اصحي كل دا نوم
يا يارا اصحى بقا
يارا بنعس: اي يا ماما في ايه
الام: اصحي يا اختي كل دا نوم وبعدين اول مره اشوف حد مبتسم وهو نايم كدا فوقي يا اختي ورانا شغل كتير
يارا: قمت بسرعه نوم اي هو انا كنت بحلم هو راح فين
الام: هو مين دا يا بت اللى راح فين
يارا: هه لا مفيش دا حلم غريب كدا
خلاص يا ماما روحي انتي انا صحيت اهو
ـــــــــــــــــــــــــــ
صحيت غسلت وشي وصليت وخرجت اشتري شوية حجات للبيت ورجعت تاني وضبت مع ماما البيت وخلصنا كل حاجه وتغدينا وخرجت وقفت في البلكونه شويه بحب اتفرج على النجوم وانا بقرا أي رواية بحثت على جوجل لقيت رواية جديدة نزله اسم حملتها ولقيت اسم البطل فيها مالك استغربت وقلت اكيد صدفه مش معقوله كنت بحلم بالرواية خلصتها ودخلت نمت
ــــــــــــــــــ
مالك: شكلك تعبانه انهارده شويه
يارا: لا مش تعبانه انت مين و عايز مني ايه
مالك: بطمن عليكي بس مش هسيبك ابدا بس خلي بالك مني انا حاسس اني هموت من غيرك
يارا:..........
مالك: اتكلمي طيب
يارا: ممكن تمشي بقه مدام انا معرفكش انت بتنطلي كل شويه فى مكان ليه انت تعرفني
مالك: ايوه اعرفك بس خلاص مش هديقك مش هظهرلك تاني سلام
ـــــــــــــ
صحيت مفزوعه بعدها وقلبي مقبوض حسا اني في حاجه حصلت انا مش عارفه هي اي قمت اطمنت على ماما وبابا واخواتي هما كويسين طيب انا قلبي مقبوض ليه
رحت اشوف الساعه كام لقيت داليا بترن عليه
ـــــــــــــــ
يارا: الو يا داليا في أي حصل حاجه
داليا: لا الدكتور بيقول ان في حادثه في المستشفى وبيقول متتأخروش تكونو موجودين الصبح بدري
يارا: حادثة اي واحد ولا واحده
داليا: مش عارفه مقليش المهم جهزي نفسك بدري
يارا: حاضر
قفلت مع داليا وانا بقنع نفسى ان احساسي بالخوف والقلق دا ممكن سببو الحاله اللي في المستشفى أو قلبي حس ان في مشكله او كدا واهي داليا طمنت قلبي شويه عن سبب خوفه
حاولت انام لكن مش عارفه سمعه صوت ملاكي حتى وانا صحيا بينده عليا بيقولي الحقيني هو في ايه بقا متنامي أي الصوت اللي بتسمعيه دا منمتش الليل كله الصوت بيتردد في وداني
فجأه لقيت الفجر بيأذن قومت صليت وحاولت أنام معرفتش فجأه لقيتني دايخه وتعبانه ورنيت على دكتور استأذنته مرحش انهارده لاني مش هقدر
ــــــــــــــــــــــــــ
اخدت علاج وحاولت انام
مالك: شوفتي اي اللي حصل لما بعدت عنك شويه صغيرين متبعديش عني تاني ارجوكي
يارا: في أي ما انت كويس اهو
مالك: عيونك بس اللي شايفه كدا بكره تشوفي بقلبك وتعرفي اني مش كويس
ـــــــــــــــ
صحيت تاني يووو بقى انا مش عارفه انام بسبب الاخ دا هو مين دا اللي قالق منامي دا بس يارب استغفرت شويه لحد ما رحت تاني في النوم
ــــــــــــــــــــــــ
فضلت يومين في البيت لحد ما خفيت خالص من دور البرد اللي جاني فجأه وخلاني اتغيب عن المستشفى
ـــــــــــــــــــ
قدام باب المستشفى
صوت عالي قوي انا بس اللي سمعاه كنت مستنيكي
انا بكل تلقائية رديت: مستنيني انا
حسيت ان قلبي هو اللي بيرد على اسئلة عقلي
ااه انتي
عقلي: ليه
قلبي: عشان قلتلك اني بحبك
عقلي: انت مين
قلبي: أنا العاشق
داليا: بت يا يارا سرحانة في ايه
يارا: ها لا مفيش مش سرحانه
بس حساه ان قلبي بيدق جامد كدا كان في حاجه هو فى حاجه حصلت غريبه هنا وانا غايبه
داليا: لا مفيش
دخلت المستشفى وانا حاسه بلخبطه. مش عارفه ليه حاسه قلبي بيدق جامد اوي من غير سبب
طلعت الدور التانى ومشيا في الترقه بمر على المرضى واشوف الحالات في تحسن ولا لا واديهم العلاج
فجأه حسيت ان نفسي بدا يعلى وضربات قلبي بتزيد كنت قدام مكتب الدكتور يوسف كنت هقع لكن الدكتور لحقني بكرسي وقعدني
يوسف: انتي كويسه
يارا: ااه الحمدلله يا دكتور شكرا لحضرتك
نفس الصوت
قلبي: على فكره انتي قريبه قوي بس للاسف مش شيفاني
عقلي: قريبه ازاي هو في اي
قلبي: لا مفيش حاجه خلاص
يوسف: اي بقيتي كويسه ولا لسه
يارا: ها لا لا خلاص بقيت كويسه
داليا من ورا: يا دكتور دا اذن خروج ياريت حضرتك تمضي عليه
يوسف: باسم مين
يارا: ضربات قلبي بدأت تزيد تاني ونفسي بيعلى والصوت بيتردد جامد انا هنا انا جنبك مش ناويه تسمعيني اديني فرصه طيب مش همشى الا لما تديني فرصه مش معقول أسيبك كلام كتير سمعاه وحسا الدنيا بتلف بيا جيت اقوم اغمى عليه
يوسف: شيليها يا داليا دخليها المكتب عندي خلينا اشوف ملها من بدري كدا مش على بعضها وحلتها غريبه
داليا: حاضر يا دكتور طب ادخلها اوضة المرضي دي على سرير احسن
يوسف: خلاص ماشي كدا احسن دخليها وانا هاجي اكشف عليها دلوقتي
بعد ما كشف عليها
يوسف: دي ضغطها واطي جدا شكلها مش واكله كويس ومتوتره من حاجه شويه وهتفوق خليها تاكل وهتبقى كويسه
داليا: تمام يا دكتور هشوفها ملها
خرجت داليا هي الدكتور وبعد عشر دقائق فقت
مالك: ينفع تخضيني عليكي كدا حمدالله علي السلامه
يارا: من كتر الصدمه مقدرتش تتكلم غمضت عليها بسرعه وفتحتها ملقتش حد فضلت بتترعش جامد لحد ما جات داليا
داليا: مالك ايه اللي حصل
يارا: هو هو
داليا: مين هو
يارا: اللي كنت بحكيلك عليه في احلامي شوفتو
داليا: شوفتيه فين
يارا: هنا دلوقتي
داليا: بطلي جنان بقى ويلا قومي عشان تاكلي ونروح للدكتور يوسف نطمنو عليكي وناخد اذن الخروج دا يمضي عليه المريض
يارا: ماشي
داليا: هبعت للمريض يجي عشان يستلم ورقة بقي من المكتب عشان يقدر يروح على طول
يارا: ماشي
سندتني داليا ورحنا مكتب دكتور يوسف وقعدنا فيه جه الدكتور وانا وقفه باخد منو التعليمات والعلاج وبيانات المرضي اللي هتابع معاهم
داليا: لو سمحت يا دكتور امضي ع الورق دا عشان المريض دا يمشي
يوسف: اسمو ايه
داليا: اسمه
جه من وراها "مالك" مالك محمد
يارا: وقفت مبرقه شويه وبتقول لا اكيد لا بس نفس الصوت لا لا مش هو
يوسف: تعالي اقعد يا استاذ مالك
مالك: لا يا دكتور مفيش داعي بس كنت يعني لو تسمح..
قطعو يوسف: طبعا يا استاذ مالك بس ياريت يعني زي ما قلتلي
مالك: اكيد انا مش طالب اكتر من كدا
يوسف: اتفضل
مالك: استاذا يارا ممكن تبصيلي
يارا: ها حضرتك عليا
مالك: ااه بصيلي
يارا: لفيت وشي وانا بقول لا انا اكيد بحلم بس هو هو بنفسو
يارا: انا مش قلت لحضرتك امشي من حياتي متظهرش تاني مش عايزة احلم بيك يا اخي امشي
مالك: بس دا مش حلم ده حقيقه
يارا: لا لا مش حقيقه لا
مالك: احلامي جذبتني ليكي وفي وسط ما انا بموت مفتكرتش غيرك بعد ربنا استنجد بيه
يارا: موت ايه "هو كان مجبس ايدو"
يوسف: انا بلغت داليا تقولك انكم تيجوا بدري عشان في حادثه حصلت ومحتجين كم وقتها انتي اعتذرتي لانك تعبانه استاذ مالك هو اللي كان في الحادثة وربنا نجاه
يارا: هااا
مالك: مالك
يارا: هو دا مكنش تهيئات
مالك: عمر ما كان العشق تهيئ وانتي روحك عشقانه زي ما انا عشقان
يارا: بس انا معرفكش
مالك: يكفي أن روحي عرفاني وقلبك قبلني
يارا: يعني اي
مالك: يعني تقبلي تكوني طول العمر جنبي
يارا:....
مالك: تقبلي
يارا: اقبل
وان كانت روحي عشقه، وعلى شط غرامك سفنتي راسية، ان كان بالود وديك، اعيش العمر حدك، اذا كان القلب حبك.
تعليقات
إرسال تعليق