شمس حلمي

اسكريبت ارواح عاشقة 

الاسكريبت العاشر

إسراء الزهدي

 - انا رايحه اجيب الملف بتاعي من المدرسة وجيه

= ماشي يا حبيبتي خلي بالك من نفسك ومتتأخريش

-حاضر يا بابا متخفش عليه يلا سلام

ــــــــــــــــــــ

- ااه مش تحاسب

= متأسف مأخدتش بالي من حضرتك كنت مركز فالورق

- المره الجايه ابقا فتح او اعملك نضاره احسن

= انا بتأسف لحضرتك جدا

انت لسه هتتأسفلي يلا امشي اي البلاوي دي بس يارب علي الصبح الواحد. مخنوق لوحديه

=حضرتك عمال تغلطي فيه من الصبح وانا ساكت بس مش معنا كدا تقلي ادبك وتطولي لسانك

- لولا اني مش فاضيه اقف اتكلم مع واحد زيك كنت عرفتك مقامك

- مش عارفه اي دا بس يارب الناس دي بتطلع منين الواحد لازم يقابل حاجه تعكننو علي الصبح كدا انسان بارد فعلا يلا اهو غار

- لو سمحت عايزه الملف بتاعي بأسم.......

- انت تاني انت مستقصدني ولا ايه يا عم انت اي اللي جابك ورايا امشي اطلع برا

- حضرتك احنا فمدرسه مش فبيتكم عشان تطرديني وبعدين اجي وراكي بتاع ايه من حلوتك قوي يعني

- روح بعصبيه لو سمحت عايزة الملف عشان امشي

= بأسم مين

- روح فريد

=تمام اتفضلي

- متشكره جدا

خرجت وانا عفريت الدنيا بتتنطط ف وشي منو انسان بارد بمعني الكلمة لو قبلتو تاني مش هيعرف هعمل فيه ايه

- الوووو يا روح انتي فين تعالي عيزاكي تجهزي معايا باقي الحجات الفرح بعد اسبوع ومجهزتش حاجه

- هروح الورق دا البيت واجيلك

روحت طبعا وقلت لبابا وغيرت لبسي اللي كان شبه الغفر دا ومدرسه بقا وكدا ورحت لدعاء جهزنا الحجات حسام خطيب دعاء مسافر وهيجي قبل الفرح بيوم طبعا قعدين انا وهي بنجهز الشقه ووخدين رحتنا علي الأخر لحد ما خلصنا وجه الوقت اللي هشوف فيه طفلتي عروسه يا ناس

- انتي فين يا كلب البحر مجتيش ليه

= انا قلتلكم انها بتحبني اوي وبتحترمني مش كدا

اي يا دودو فيوم زي دا كدا وبتشتميني عيب لسانك دا متبرى منك هتفضحينا

- يلا يا كلب البحر متأخريش

= حاضر

بابا انا رايحه لدعاء بقا عشان الفرح

- بالسلامه يا نن عيني وعقبال ما افرح بيكي انتي كمان يا حبيبتي قبل ما اموت

=اي يا بابا دا انا اتأخرت

- بتتهربي ديما كدا....

روح!! استني انتي هتنزلي كدا

= مالو كدا يا بابا وحش ولا اي ديق في حاجه غلط

- هههههههه لا يا حبيبة ابوكي بس شكلك قمر خايف عليكي تتحسدي بالفستان الموف دا والخمار اللي زايدك جمال وحلاوة ومش هنسي تاج الورد يا ملاكي الصغير ربنا يحميكي يا عيوني

= ربنا يحفظك ليا يا احلي بابا ف الدنيا وحضنتو

انا مشيا بقا

طبعا روحت لدعاء اللي مبطلتش شتيمه فيها فوسط الناس مش عايزة اقولكم بتعشقني عشق كدا

اول ما رحتلها الأتيليه ودخلت وشوفتها عيوني دمعت ياه علي الجمال يا روحي فرحانه قوي طفلتي كبرت وبقت عروسه يا عالم وحضنتها جامد

ولقيت حد بينادم علينا من ورايا يلو يا جماعه عشان منتأخرش حسام مستنينا تحت لفت وشي

- انت اي اللي جابك هنا امشي اطلع برا مش قلتلك لو شوفتك فأي مكان متلومش غير نفسك

= انتي تاني انتي اي اللي جابك هنا يا ام لسان شبر ونص انتي

- فرح اختي انت مالك انت جي تعمل اي هنا

دعاء اهدو يا جماعه في اي فرحي هيبوظ بسببكم معلش انزل انت دلوقتي واحنا هنيجي وراك

نزل ونزلت انا ودعاء ولما نزلت ملقتهوش الغريب ان دعاء كمان متعرفهوش

حولت اكبر دماغي ورحنا القاعه واندمجت مع دعاء والمعازيم ونسيتو وروحت بعد يوم مرهق جدا ومتعب طبعا اترميت علي السرير شبه الفسيخ كدا من التعب نمت وقمت علي صوت طفل فوق دماغي اكيد يعني عمي ومرات عمي عندنا ما هو الواحد ملهوش خصوصيه فالبيت دا

- بت اتلمي دا اخويا بردو

= هو انا قلت حاجه يا حج دا عمي حبيبي بردو ولا اي يا زيزو

- زيزو يا قليلة الادب دا انا عمك

= لا يا شيخ دا انا لولا بنت اخوك كان زماني مراتك يا عمو زيزو انت اكبر مني ب5 سنين مش حوار يعني ولا اي يا مرات عمي هههههههه

- قومي يابت انجري اغسلي وشك وتعالي شيلي بنت عمك شويه اي دا خوخه معاكو فريره وجيه هههههههه دا حبيبي دا متأخرش عليه

قمت غسلت وغيرت لبسي وخرجت اقعد معاهم

- رورو علي فكره عمك هيقعد ف الشقه اللي جنبنا وهيجي واحد صحبو هيقعد ف الشقه اللي فوقينا عشان متتفجأيش لو شوفتي حد غريب ف العماره

= ماشي يا بابا يشرفونا طبعا

- طب روحي جهزي حاجه للضيوف اللي هيخدو الشقه زمنهم علي وصول

وبعدين وصلو وخرجت اطلع العصير لبابا راح نادم عليه اسلم عليهم اتحرجت شويه وبعدين قالي ان مامتو واختو كمان معاه فدخلت اسلم عليهم

- هو انت انت بتطلعلي منين

= بغض النظر عن خنقتنا ف كل مره بنتقابل فيها بس مقدر لينا نعرف بعض تعالي نحط كل خلفتنا علي جنب ونكون اصدقاء

" انا ياسر الجوهري " مدرس ف المدرسه اللي قبلتك فيها اول مره وصديق مقرب لمحسن ولعمك زياد

اسمك؟؟

- مش عارفه اقول اي بعد ادبو دا وانا كمان بعتذرلك جدا انا" روح" دخله اولي جامعه وكنت رايحه اسحب الملف اليوم اللي قبلتك فيه اول مره

- هتدخلي جامعه ايه

=اعلام ان شاء الله

-ربنا يوفقك

مش عارفه ازاي بقينا اصحاب ومامتو واختو لطفاء جدا بس مش بنفس طيبتو وحنيتو كان كل تركيزي معاه هو شدني ليه بطريقه غريبه حتي مش بنتكلم كتير ومش بنتقابل لأني مليش ف الحوارت دي وجو الصدقات وكدا بس كلمنا اللي اقل من القليل دا كان كفيل يعلقني بيه

كان تقريبا بيذورني ف احلامي كل يوم وبحس بيه وبشوفو قدامي ديما وانا ف الجامعة مكنش بيروح من خيالي لحظه مشاعر متلغبطه جوايا مش عارفه دا حب ولا اعجاب ولا اي بس لدرجه اسمع صوتوا واكلمو واحس بيه وبكل كلمه اااه بيقولها بتوجع، وكنت بأحلم بيه كتير الموضوع كان محيرني وملغبطني جامد قوي

- روح

- نعم

اخت ياسر جات وحكتلي علي حجات غريبه بتحصل مع ياسر زي..........!!

= دا نفس اللي بيحصل معايا يا بابا انا بردو كدا

- دا حب يا بنتي

= ازاي يا بابا مش دا اللي بنسمع عنو

- دا حب مختلف اروحكم اتعلقت ببعض وملكوش ذنب فيه ومهما مرت السنين سواء مع بعض او مفرقين هتفضلو تتقبلو واروحكم تتلامس دا نوع من الحب بتدخل فيه الارواح والانسان مبيعرفش يتحكم فيه

- مش عارفه يا بابا

- بص الصراحه بقا

ان ياسر طالب ايدك مني ومدام بتحبيه وانا مش هلاقي احسن منو ليكي فكري كويس ومتتسرعيش ولو عايزة رائي انا موافق

= ط طالب ايدي من حضرتك

حسيت للحظات ان الفرحه مش سيعاني وان العالم كلو بقا ملكي بس كنت خايفه ومتوتره اوي حسا احساس مش فهما

- حاضر يا بابا هفكر واقلك لحضرتك

ياماما بس انا بحب روح

- دي مش شبهنا ولا شكلنا يا ابني ومش نصيبك ولسه طالبه وصغيره بنت خالتك افضل منها

= يا امي بس انا عيزها هي

- وانا مش موفقه يا ياسر علي روح ويا تاخد بنت خالتك يا تنسا امك وتروح لروح

ياسر: ب بس....

- مبسش انا قلت كلمه وشوف هتعمل اي

ياسر... انا حياتي مش هتبقا حلوه من غيرها مش هحب غيرها انا مش بحبها انا بعشقها لي امي تقف فجوزتي من الانسانه اللي قلبي اخترها انا مش مسامحها هتحرمني من اجمل انسانه ف العالم واكتر حد قلبي مرتحلو قلبي اللي اخترها بس مش هقدر ازعل امي انا مش عارف هي بتعمل كدا ليه وفضل يعيط

ــــــــــــــ

روح ف اوضتها... انا بحبو مش قادره افهم واي اللي انا سمعها دا وقلبي مقبوض ليه ياسر فيه حاجه اكيد ولا دا عقلي بيفكر ولا وهم ولا اي

فجأه حسيت بنفسي وانا بقول....

سامح واوعي تزعل اللي جي اين كان هيبقا احسن... فضلت اكلم نفسي لفتره مش عارفه بقول اي مفوقتش غير علي صوت بابا وهو بيقولي مدام سرحانه تبقي فكرتي رأيك اي؟؟!

مش عارفه امتا وازاي قلت لبابا مش موفقه

ردي كان صدمه ليه اوي

وكمان كان صدمه علي بابا جامد ازاي اتخلي عن حب عمري وعن حد بحس بيه من وهو بعيد عني الا اني حسيت ان القرار دا بنقذني وبنقذ ياسر من ورطه كبيره

- بس انتي بتحبيه

= عشان بحبو يا بابا مش موفقه

وبعد رفضي نقل ياسر واهلو من العماره عندنا بدون اي محوله منو انو يعرف السبب وكأنو كان مستني اقول نقلو وراحو مكان تاني كنت على تواصل لفتره بأختو الحب بنا كان بيقوي مش بيضعف كان بيزيد مش بينقص بنا ذكريات محققتهاش الايام حققتها الاحلام حققها الحب وكنها واقع بل اجمل بكتير كان بنا ود والفه غريبه وكلان اللي بنا رباط متين مستحيل ينفصل او يتقطع

بعد سنه من نقلانو بعيد عننا خطب بنت خالتو وهو مجبر

حسيت بيه وهو بينده عليه وبيكلمني

ياسر: ياروح انا مش عايز اخطب مش بحبها مش طيقها انا مش قادر استحمل

- ياسر اللي بنا مش اننا نكون لبعض اللي بنا اكبر بكتير ومش مفهوم ومش ف الواقع دا. محدش حسو ولا شيفو غرنا شبه الوهم بس حقيقه ف عيش حياتك واسمع كلامي ومتزعلش ولدتك

وفجأه بفوق من خيالي علي رنت تلفوني واختو بتقولي ان معاد خطوبته اتحددت

 خطب وما احلي خطوبته خديجه اختو بعد تحايل جامد اقتنعت تبعتلي الصور كان جميل وعروستو هاديه وخجوله قوي

- روح انتي ليه بتعملي كدا وكانك فرحنالو ليه كتمه حبك

= بابا انا فعلا فرحنالو ومش كاتمه حبي انا مخترتش احبو بس مع ذلك حبيتو من غير ما احس وزي ما حبيتو هنسا من غير ما احس بردو متخفش عليه يا بابا

وبعد سنه لقيت ياسر بعتلي بيعزمني علي كتب كتابو روحت وانا فرحانه بيه وليه

بابا حاول يمنعني من الروحه كتير بس انا صممت وروحت

ووقفت فأول صف وشيفا علي ايدو المنديل وهو بيردد ورا المأذون والمعازيم مستنين اخر جمله هتتقال وانا سرحانه فيه وفملمحو اللي باين عليها بهتانه وفي ابتسامته المتصنعة حسا بيه وهو ماسك دموعو وكأن وجودي كان مقويه يكمل لجوازه دي فنفس الوقت مخليه عايز يقف ويبوظ كل حاجه مفوقتش غير لما لقيت المأذون فجأه بيقول

"بارك الله لكما وبارك عليكما وجمع بينكما في خير"

وقتها سلمت عليه ووصيتو عليها وانو ميظلمهاش

 ملهاش ذنب تتعاقب عشان حبنا

مشيت من هناك لما حسيت ان عيوني اتملت دموع وخفت يشوف قوتي المتصنعه ويبانلو ضعفي

ما انا قلبي كان موجوع

كتبت قصيده بالدموع

 كان ليا الروح وليا القلب

واسمها علي اسمو مكتوب

حياتي بعدو مظبوطه

ومشيا علي الخط مش معوج

فرحتلو من كل قلبي

ما اللي بنا مكنش موصوف

ولا حتي معروف

متعبرش عنو مئات الحروف

"التقيت روحي بروحك فتعاشقا، نلتقي بالروح لا بالجسد"

سلسلة حكايات روح 

إسراء الزهدي|روح الفؤاد|جاردينيا