اسكريبت حب لم ينتهى
الاسكريبت التاسع
إسراء الزهدي
انا هكلم باباها اتفق معاه على معاد نسافرلو فيه يا بابا
بابا: بس يا ابني.....
- مبسش يا بابا انا مش هاخد غيرها ولو مش هخدها مش هتجوز خالص
بابا: يا بني دي غريبه منعرفهاش
-لا مش غريبه وبنت جدعه وهتحبوها اثقو فيا مره واحده بس
ماما: ياسر اسمع كلام ابوك انا مش موافقه ع البنت دي ومش هحضرلك فرح
- جماعه الكلام في الموضوع دا منتهي ولو مش هتروحو معايا هروح لوحدي
ماما: وانا قلت كلمه هتخطب بنت عمك ومش هتاخد البنت دي
- لا يعني لا يا ماما وانا ماشي سلام
ـــــــــــــــــــــــــ
ازيكم معلش نسيت اعرفكم بنفسي انا ياسر عندي 24 سنه مخلص كلية هندسه بترول السنه اللي فاتت
انا من الصعيد والتقاليد عندنا اني اتجوز بنت عمي بس دا مش هيحصل طبعا
ــــــــــــــــــــــ
- الو يا عمي كنت عايزة اخد من حضرتك معاد عشان اجي اطلب ايد الانسه روح بنت حضرتك
=.........
- شكرا جدا لحضرتك يا عمي ان شآء الله هنكون عندكم ف المعاد
ــــــــــــــــــــ
بابا انا اخدت معاد مع والد روح وهروح اخطبها الاسبوع الجاي هتيجيو معايا ولا اروح لوحدي
ماما: بردو عملت اللي في دماغك
- ما كفايا بقا سبوني اختار حاجه واحده ف حياتي كل حاجه تختروها دخلتوني جامعه مش حببها عيشتوني عيشه مش عيزها سبوني اختار لوحدي مره واحده حتى
بابا: خلاص يا ابني سيب امك انا هقنعها وهنيجي معاك كلنا وربنا يتمملك علي خير يا حبيبي
- متشكر جدا يا احلي بابا ف الدنيا كلها
ـــــــــــــــــــــــــــ
- انت اي اللي عملتو دا يا ابو ياسر مش دا اللي انت متفق مع اخوك انو هياخد بنتو ومن امتا واحنا بندخل غربه بيوتنا
- يا ام ياسر سيبيه يختار برحتو التجاليد دي جدمت دلوجتي وانا مش حابب اضمرلو حياتو واكسرو سببيه هو مبجاش صغير
- اللي تشوفو يا حج اناجلتلك اللي عندي وانت حر مع اخوك
ــــــــــــــــــــــــ
اخيرا جه اليوم اللي هنسافر فيه يا ابوي انا فرحان جوي جوي مش مصدج نفسي
- تعيش وتفرح يا ولدي واشوفك سعيد العمر كله
ــــــــــــــــــــــ
وصلنا علي بيت روح واستقبلونا استقبال حلو اوي
- يا عمي انا هدخل فى الموضوع علي طول انا مهندس بترول ومرتبي 20 الاف جنيه فى الشهر وعندي بيت ليا لوحدي فى الصعيد وهجيب شقه هنا كمان عشان الزيارات وكدا وانا تحت امركم فى كل حاجه وموافق علي كل طلبتكم
فريد: بس يا ابني انا بنتي مش هتبعد عني هتقعدو هنا ابقا مطمن عليها انما غربه متأسف يا ابني
- للحظه حسيت قلبي اتكسر
متشكر جدا يا عمي عن اذن حضرتك يالا يا بابا
بابا: متزعلش نفسك يا ابني
مش زعلان يا بابا هحاول معاه تاني
ارجعو انتو البلد وانا هأجر شقه هنا واروحلو تاني لحد ما يزهج ويوافق
بابا: يا ابني بس....
- يلا يا بابا عشان متتأخروش الطريق طويل
ـــــــــــــــــــــــــــ
- لي يا بابا رفضتو
=انا مقدرش اديكي لحد غريب منعرفهوش
- افرض مشي ومجاش تاني مش هسمحك يا بابا على كسرة قلبي دي
- ولا وكبرتي وبقيتي ليكي كلمه ادخلي جوا يا روح عشان صبري مينفذش عليكي
ــــــــــــــــــــــــ
- الووو يا روح عامله ايه
=الحمدلله يا ياسر انت عامل ايه
- الحمدلله
عجبك اللي بباكي عملو دا
=مش عارفه ببعمل كدا ليه
انت مش هتسيبيني يا ياسر صح
- مش هسيبك يا عيون ياسر
= انت رجعت البلد؟
- لا قاعد هنا لحد ما ازهق بباكي ويوافق
يلا روحي نامى دلوقتي ومتزعليش نفسك عشان انا مش هسيبك ومش هتكوني لحد غيري
=وانا واثقه فيك
- بنتي القموره دي يلا نامي
=بقولك
- قولي
=بحبك
- هه انتي قلتي اي!!
=لا هي مره واحده خلاص
- قولي بس قولتي اي
=بحبك
- اخيرا يا روح
خمس سنين معذباني مش راديه تقوليها هعيط من فرحتي
= عشان انت دلوقتي تستحق تسمعها بعد ما وفيت بوعدك ليا ومسبتنيش لوحدي ولسه ماسك فيا حتي بعد ما اترفضت
بحبك لاخر نفس في حياتي يا ياسر
- وانا بحبك يا عيون ياسر يلا نامي
=تصبح علي خير يا ياسر
- وانتِ من اهلي يا نن عين ياسر
ــــــــــــــــــــــــــــــــ
بقيت اصحا كل يوم ارحلو الشغل الصبح والبيت بالليل
لدرجه في شركتو الأمن ضربوني
ومره اخدت حبس 24 ساعه بسبب تعرضي ليهم
بس ميأستش بردو وفضلت ارحلو ما انا مش هسيب حب عمري يا جماعه يضيع كدا انا واثق انهي نصيبي
ـــــــــــــــــــــــــ
- ياسر
=ايوه يا عمي
- كلم والدك خليه يجي انا موافق على جوازك من روح
=أنت بتتكلم جد هجيب ولدي والمأذون واجي بسرعه
- مأذون اي هنعمل خطوبه بس
= عشان خاطري وافق نكتب الكتاب انا مش مستعد اخسرها تاني ومصدقت وفقت
- ماشي موافق بس بشرط معاك 48 ساعه بس لو أتأخرت اعتبر اني مش موافق
=حاضر
ــــــــــــــــــ
كلمت الجماعه ف البلد جوم ورحنا عشان نتفق على كل حاجه
- ياسر عايز اسألك سؤال انت تعرف بنتي منين
- هتكلم بصراحه واقول الحقيقه
شوفتها في حفله كانت تبع الجامعه بتعتي من خمس سنين وهي كانت في القاعه بالصدفه مرحتش من بالي من وقتها
وفضلت اسال عليها لحد ما قدرت اجيب رقمها وكل حاجه عنها قدرت اعرفها بعد سنتين
لما عرفتها محبتش اكلمها واعملها مشاكل
وفضلت ارقبها بكل خطوه
بعد سنه كمان بقيت ابعتلها رسائل مجهوله كتير
بقيت احضر كل حفلة بتروحها وكل ندوه بتعملها وهي لحظت دا
لحد كا اتكلمنا وبقينا اصحاب واعترفتلها ان انا المجهوله اللي بيبعتلها
وبعد سنه كمان من عذاب شوقي لاني اعترفلها قلتلها اني بحبها وكنت خلصت جامعتي في الوقت دا ووعدتها بعد سنه هتقدملها
وكنت مستني اليوم دا بكل لهفه وشوق خمس سنين بحبها كل يوم بيزيد حبي عن اليوم اللي قبلو
روح كانت عوضي وسندي عن سنين تعب والم مريت بيهم
عدينا حجات صعب كتير سوى عدينا سنتين او تلاته بكل المشاكل والخلافات اللي كانو فيهم لحد ما اقدرت اوصل لليوم دا واسمها يبقا مكتوب علي اسمي
-كان شعورك اي لما رفضتك اول مره؟
- كنت عارف أن حقك تخاف عليها ما انا حد غريب بالنسيالك عشان كدا مشيت ومردتش اتكلم كنت هثبتلك بجد مش مجرد كلام أني شريها وبحبها
انا حربت اهلي لحد ما اقتنعو وحربت العالم كلو عشنها مستحيل اسيبها أو اجرحها
- ياسر مبارك عليك روح انا واثق انك هتحافظ عليها
ـــــــــــــــــــــــــــ
وتاني يوم جبت المأذون عشان نكتب الكتاب
*"المأذون بارك الله لكما وبارك"*
ـــــــــــــــــــــــــــــ
بعد ما كتبنا الكتاب روحت وقفت قدامها
روح: مالك بتبصلي كدا ليه
- بقيتي مراتي يا روح انا مش قادر اصدق انا بحلم ولا دا بجد
روح: بجد يا حبيبي
ـــــــــــــــــــــــــ
اخدتها ف حضني ودموعي نزلت من كتر الفرحه
روح: ياسر انا بحبك
*أعلمي ان حياتي بدونكِ ليست حياة*
*يا من عشقها سكن الفؤاد*
*ويا روح تُحي بعد الممات*
*ويا من تُشاركنى هموم الحياة*
*عوضي أنتِ ومعاوضتي من رب السماء*
"حُب لم يذهب هباء"
تعليقات
إرسال تعليق