حوار صحفي شهد الشيخ
الصحفية بسمه ربيع
للكتابة سحرها الخاص
السلام عليكم
گ بسمه ربيع من جريد جاردينيا وأريد عمل لقاء صحفي معاكي
ما هو اسمك؟
شهد الشيخ
كم عمرك؟
18 سنة
محافظتك؟
الجيزة
لقبك، وما سبب اختيارك لهذا اللقب:
عشق/ هو جاى من عشق الكلام فانا حبيته هو انا قليلة الكلام بس خدته من ناحية عشق الكلمات
ما هي موهبتك؟ وكيف علمتي بها؟
موهبتى هى الكتابة اكتشفتها لما لقيت نفسى بقرأ كتير ومتعلقة جدا بالكتب والروايات وكانت عندى رغبة فإنى اكتب اى حاجة ومن كتر القراءة اتعلمت الكتابة لوحدى
حدثينا عن مشواركي الكتابي؟
بصراحه انا مش فاكرة بدأت فيه امتى عشان لما بدأت كانت زى تجربة ليا وكنت عايزة اشوف ردود افعال الناس لما تقرأ حاجة ليا بس الكلام ده بقاله سنين عشان كده مش فاكرة من امتى بالظبط لأن ساعتها مكنتش حاطة انى ممكن اكون كاتبة بس لما اهتميت بالموضوع من سنة انضممت لكيانات كتير وكنت باخد مراكز حلوة زى الاول والثانى وعملت روايات واسكربتات كتير نزلت على موقع الفيس بوك فى كذا جروب واهو انا لسه فى البداية بس ان شاء الله السنة الجاية هيكون ليا كتاب باسمى
هل في يوم حد قالك إن انتي مش موهوبه أو وجهلك كلام خلاكي تحسي إنك مش موهوبه ولا كان المجتمع الي حوليك بيحبوا موهبتك وبيشجعوكي..؟
لا الحمدلله كله حب موهبتى وحب كتاباتى ودايما بيشجعونى خصوصا صحابي واختى الاصغر منى
هل لديكي أعمال؟ وما الذي استطعتي تحقيقه منذ بدايتكي في الكتابة؟
ليا بس زى ما قولت على موقع الفيس بوك وخدت شهادات ودرع الكترونى لسه معملتش حاجة ورقى بس ان شاء الله هعمل
هل أنتي عضوة في أحدى الكيانات؟ وما هم؟ وما أول كيان دخلتيه؟ وهل حصلتي على الإفادة من أحدهم؟
كنت فى كيان طيف /و كلمات عابرة /واوهام /والغيمة السوداء /جاردينيا/ بصمة ابداع كاتب
كنت فيهم بس خرجت عشان فى تالتة ثانوى فوقفت شغل لحد ما السنة تخلص /بصراحة مش فاكرة اول واحد انهو فيهم /ايوا طبعا استفدت بقيت اطور من كتابتى والسرد بتاعى
ما هي التكريمات والشهادات التي حصلتي عليها؟
زى ما قولت مخدتش شهادات ورق كل اللى خدته كان الكترونى
من أول شخص عرف بموهبتك ودعمك؟
اختى الاصغر منى اول حد قرأ ليا وشجعنى ومازالت بتشجعنى
هل لديكي أوقات مخصصة للكتابة؟
حاليا لما بكون فاضية بس لكن فى العادى لاء اول ما بحس ان فيه كلام مش عارفة اقوله بجرى على الورقة والقلم واكتب اول ما تيجى فكرة فى دماغي نفس النظام بكتب
خلينا نتخيل أن موهبتك العظيمة دي هي طفلتك المدلله قليلنا ازاي بتتعاملي معاها عشان تنميها؟
بهتم بيها بشوف ايه اللي ممكن يخليها تكبر واعمله بقرأ كتير عشان اعرف ازاى اتعامل مع الكلمات ازاى ارتب الاحداث ازاى اعرف اعمل فكرتى أنا
هل قرأتي كتب؟ وما أفضل الكتب التي قرآتيها؟
كتير قوى / فيه كتير برضو زى لمحمد طارق مثلا وحاليا مش فى دماغى حاجة معينة بس أعمال محمد طارق كلها بحبها
كلمينا عن قدوتك؟
مظنش انى خدت قدوة لنفسى من الكُتاب فيه كُتاب بحب اعمالهم دون عن غيرهم بس مش قدوتى وبصراحة محبش انى اكون زى حد انا عايزة اكون انا وبس مش حابة انى اقلد حد حابة انى اكون(شهد الشيخ)
ما هو هدفك في الفترة القادمة؟
هو انى ارجع اشتغل على موهبتى من تانى وان شاء الله هبدأ انى اشتغل على كتاب ليا
نصيحة للكتاب المبتدأين تقوليلهم أي؟
اقولهم ميسمحوش ان رأى سلبى يهزهم بالعكس ياخدوا السلبى ده ويحولوه لايجابى زى مثلا يشوفوا هل ده فعلاً فيهم ولو ده صح يبقى يشتغلوا على نفسهم عشان محدش يضغط عليهم من النقطة دى ولو مطلعش فيهم وطلع رأى سلبى ملهوش صحة ومجرد تحطيم ذات يبقى يرموا ورا ضهرهم الرأى ده لازم يفهموا انهم ادام حبوا الحاجة دى ودخلوا مجال هيلاقوا ناس كتير بتهدم فيهم وهما مينفعش يستسلموا يكملوا حلمهم وطول الوقت يقرأو كتير ويطوروا من نفسهم
هل تريدين تقديم الشكر إلى أحدهم؟
اقدم الشكر ده لصحابى واختى الاصغر منى بشكرهم على كل وقت وقفوا فيه جمبى وبشكرهم انهم مازالوا معايا وبيشجعونى
شيء من كتاباتك:
قُلت لى انك ستكتفى بحبى لك وليس بغيرى!. لما قلبك قاسى لهذا الحد لماذا تركتنى وحيده بهذا العالم الم اقل لك ان اكثر شئ يؤلمنى هو الفراق والبعد الم تقسم بانك سوف تبقى ولن تكون مثل الآخرين تركت ابنتك واصبحتُ يتيمه فى غيابك.. ماذا فعلت الاخرى لك لكى تتركنى من اجلها اقسم انى بذلت جهد لم ابذل مثله بحياتى من اجل اى شخص ولكنك لم تكن اى شخص كنت حياه لى كنت روح تسكن هذا الجسد والان سلبت الروح من هذا الجسد ورحلت من اجل انسانه اخرى لا اعلم ما قدمته لك لكى تتخلى عنى ولكن اقسم لك لن تقدم لك مثلى لن تقدم لك حب وخوف وحنان وغيره من مشاعر ولن تجد قلب مثل قلبى الذى احرقته وكسرته برحيلك وغيابك هذا.
بقلم شهد الشيخ
أتمنى أن تحققي ما ترغبين به، وهكذا يكون قد أنتهى اللقاء، ونتمنى لكي النجاح فيما هو قادم، وكان شرف لنا عمل اللقاء معكي، والسلام عليكم.
تعليقات
إرسال تعليق