حوار صحفي مع الكاتبه حبيبه هاني
الصحفية بسمه ربيع
للكتابة سحرها الخاص
السلام عليكم
گ بسمه ربيع من جريد جاردينيا وأريد عمل لقاء صحفي معك
ما هو اسمك؟
حبيبة هانى حازم.
كم عمرك؟
١٩ سنة.
محافظتك؟
المنيا.
لقبك؟
فراشة 🦋
ما سبب اختيارك لهذا اللقب؟
لأن الفراشات مش بيشوفوا أجنحتهم فبالتالى مش شايفين انهم حلوين لكن ال حواليهم بيشوفوا جمالهم.
ما هي موهبتك؟
الرسم والكتابة والقراءة والتصوير.
كيف اكتشفت هذه الموهبة؟ ومنذ متى؟
الرسم من وانا صغيرة بحبه وبعرف ارسم حلو، الكتابة لسة مكتشفاها من شهر تقريبًا من مبادرة لحن أنين دخلتها واختارت الموهبه رسم وقولت اجرب الكتابة عشان بحبها ف هشوف نفسى فيها واتفاجئت ان اول مسابقة ارتجال ادخلها طلعت مركز اول ف اتبسطت ان البداية تبقى كدا وكملت.
مَن أول شخص عرف بموهبتكِي ودعمك؟
سارة عبده مؤسسة مبادرة لحن أنين.
ما هو اللون الأدبي المفضل بالنسبة لكِي ؟
خواطر وقصص صغيرة.
حَدَّثَينَا قليلًا عن مشواركِي وخوضكِي لهذا المجال؟
حبيت الكتابة من اول ما بدأت اقرأ كتب وروايات وكنت بكتب حاجات بسيطه مع نفسى عشان معرفش انى موهوبة شيفاه حب بس وتجربة مع نفسى وخلاص ولما دخلت ف مبادرة لحن أنين وجربت أكتب اول ارتجال وطلعت الاولى عرفت انى موهوبة وكله شكر ف كتابتى ومن وقتها بدخل ف كل مسابقه وبحاول ارتجل عشان اطور من نفسى.
هل لديكي أعمال؟ وما الذي استطعتي تحقيقه منذ بدايتكي في هذا المجال؟
هدخل بفصل فى كتاب "وجهه نظر" إن شاء الله.
ما هي التكريمات والشهادات التي حصلتي عليها؟
فى الكتابة تلت شهادات اتنين منهم مركز اول وواحدة مركز تانى، ودرع .
فى الرسم دخلت مسابقة واحدة وخدت شهادة مركز اول.
هل أنتِ عضوة في أحد الكيانات؟ وما أول كيان دخلتهِ؟ وهل حصلتي على الإفادة من أحدهم؟
مبادرة لحن أنين.
هل في يوم حد قالك إن أنتِ مش موهوبة أو وجهلك كلام خلاكي تحسي إنك مش موهوبة ولا كان المجتمع اللي حواليكي يحبون موهبتك ويشجعوكِ ...؟
لا الحمد لله اغلب المقربين منى بيشجعونى.
خلينا نتخيل أن موهبتك العظيمة دي هي طفلتك المدللة قوليلنا أزاي بتتعاملي معاها عشان تنميها؟
هحبها الاول بصدق عشان اعرف ابدع فيها ومتبقاش تقليدية لازم اخليها حاجة مختلفة، هقرأ كتير كتب وروايات ولكتاب صغار بيكتبوا عشان اتعلم منهم، واحاول اكتب كتير وامارس الهواية مسيبهاش فترة طويلة واهملها.
ما رأيكي بالورش والكورسات؟
حاجة جميلة ومفيدة جدا حتى لو شاطر ف الحاجة برضو الكورس هيبقى ليه افادة مختلفة ومش هتطلع خسران بالعكس هتتعلم حاجات جديدة.
هل قرأتي كتبا؟ وما أفضل الكتب التي قرأتها؟
إلى الآن أفضل الكتب فاتتنى صلاة وعلاقات خطرة. وأفضل الروايات فى قلبى أنثى عبرية.
هل تظني أن باستطاعة أي شخص أن يكتب؟
نعم، الكتابة تنبع من قوة المشاعر، لو حد حاسس قد ايه هو بيحب حد هيعرف يكتب عن الحب ولو حد حزين اووى هيعرف يكتب عن الحزن، هو مجرد بيطلع شعور حاسه، مش شرط يكتب عن مشكلات المجتمع او المواضيع العامة دى.
كلمينا عن قدوتك؟
بابا.
مجتهد جدا ومتقن فى عمله و فى اى حاجه بيعملها مهما كانت تافهه ومتستاهلش التعب دا كله.
ما هو هدفك في الفترة القادمة؟
اعمل رواية ليا.
نصيحة للكتاب المبتدأين تقوليلهم أي؟
يقرأوا كتب كتير لتوسيع المدارك والمعلومات والاستفادة عمتًا ويقرأوا روايات لغة عربية لإكتساب مفردات ومصطلحات جديدة وبتبقى الهام فى بعض الأوقات وبتساعد ف الكتابة جدا.
هل تريدي تقديم الشكر إلى أحدهم؟
بابا وبعض اصدقائى ال دعمونى.
هل لنا أن نطرق ببعض إبداع قلمك:
كشجرة تمر بأصعب فصولها، تتساقط أوراقها لتبقى فارغة تمامًا، يسودها الحزن واليأس، ومن ثم تعود بأوراق جديدة ذات بهجة، تعود مزهرة مفعمة بالحياة وكأن الله بعث فيها روحها من جديد، وكأنها لم ترَ خريفًا من قبل.
هكذا نحن
يأتى علينا أوقات نشعر فيها وكأن قوتنا قد اندثرت، نهزم وننكسر، ونظن أن النهاية تقترب.
ومن ثم نقف على أقدامنا مرة أخرى، نواجه ونتحدى أنفسنا لنصل إلى غايتنا وعندئِذ ننسى فترة خريفنا التى مرت علينا تلك، ونستمتع بما نحن عليه الآن.
إنها سُنة الحياة لا حال دائم فيها.
أتمنى أن تحققي ما ترغبي به، وهكذا يكون قد انتهى اللقاء، ونتمنى لكي النجاح فيما هو قادم، وكان شرف لنا عمل اللقاء معكي، والسلام عليكم.
تعليقات
إرسال تعليق