اسكريبت يا انا هخدك يا ربنا يخدك
إسراء الزهدي
يا اخي قلت لك مش عيزاك هو الحب بالعافية
آسر: لا مش بالعافية بس انا هخليكي تحبيني اديني فرصة بس
فريدة: معنديش فرص اديهالك يا آسر وابعد عني بقا
آسر: طب نرتبط وتعرفيني وهثبتلك اني بحبك لو انتي مش عايزة خطوبه ورسميات دلوقتي
فريده: آسر ابعد عن طريقي احسنلك
آسر: وان مبعدتش هتعملي ايه
فريد: آسر انا مجنونه وممكن البسك مصيبه ابعد عن طريقي
آسر: طب جنان بجنان مش هبعد
فريده: انت عايز ايه
آسر: عايزك يا فوفه يعني هكون عايز اي عايزك تحبيني وترضي بيا بقى
فريده: انت جبله مش بتحس بقولك مش عايزاك مش عايزاك مش هحبك
آسر: اديني فرصه وانا هخليكي تحبيني
فريده: طب وسع كدا خليني امشي عشان الناس بدأت تتفرج علينا وسع
آسر: ماشي هخليكي تمشي بس مش هسيبك
فريده: بصتله بقرف و مشيت وسابتو
آسر: بصوت عالي مش هسيبك مهما تعملي هفضل احبك وهخليكي تحبيني
ـــــــــــــــــــــــــــــــــــــ
أنا فريدة عندي 22 سنة درسة فنون جميلة لاني بحب الرسم جدا وفتحت معرض صغير على قدي بعرض فيه رسوماتي
اما دا آسر عندو 25 سنة مهندس معرفش طلعلي منين اصلًا جه عندي المعرض عشان يتفرج على لوحات ومن وقت ما شافني وهو شابط فيا وكل مكان اروحو يطلعلي فيه
ـــــــــــــــــــــــــــ
وصلت المعرض
آسر: هاتي افتحلك الباب
فريدة: بشهقة ها انت جيت هنا امتا انا مش لسه سيباك هناك
آسر: هاتي بس افتح الاول بدل ما اخبطك في وشك اتاخرتي ليه
فريدة: نعم
آسر: نعم الله عليكي يا اختي بقولك اتاخرتي ليه انا سايبك من نص ساعه والتاكسي بياخد ربع ساعه من هناك لهنا الربع ساعة التانيه دي رحتي فين
فريدة: وانت مالك
آسر: هعديها بمزاجي بس
فريدة: بقرف من كرم حضرتك علينا ولا على ايه متعديهاش
آسر: لا هعديها بس حساب نور معايا بعدين
فريدة: بصدمه ها نور مين
آسر: صحبتك
فريدة: وهي مالها بقى نور صحبتي
آسر: عشان تبقى توقفك تاني في الشارع كدا وتضحكو بصوت عالي انتي فاكرة اني مش عارف كنتي فين يعني
فريدة: انت بترقبني بقا
آسر: تؤتؤ مسمهاش برقبك يا عبيطه عشان انا بحبك وواثق فيكي
فريدة: امال اسمها ايه
آسر: اسمها باخد بالي منك وانتي مشيا كل خطوه لوحدك انا مش معاكي فيها لما تبقي معايا مش هخليكي تعملي ولا تروحي معاك لوحدك اخاف عليكي هوديكي واجيبك اخلي بالي منك يعني انا عندي كام ديدا يعني
فريدة: بنفخة طب وسع
ــــــــــــــــــ
دخلة المعرض وهو جه ورايا
فريدة: ايه معندكش شغل تروحو
آسر: اي دا ما انا في الشغل اهو
فريدة: صبرني يارب فين شغلك دا
آسر: انتي شغلي وحياتي وكل حاجه معنديش اهم منك
فريدة: تجاهلته
ــــــــــــــــــــــــــــ
فريدة: الو يا هيثم اخبارك ايه
هيثم:......
فريدة: لا لا هكون جاهزه على الموعد متقلقش طبعا
هيثم:....
فريدة: خلاص تمام على اتفقنا يلا باي
ـــــــــــــــــــــــــــــــ
آسر: مين دا
فريدة: مين هو
آسر: متستعبطيش يا فريدة مين هيثم دا
فريدة: وانت مالك
آسر: وعيونو بطلع شراره فريدة انا هادي متعصبنيش مين هيثم دا
فريدة: بخوف واحد معايا في مسابقه للرسم
آسر: ومعاد اي اللي بنكم
فريدة: هنروح نرسم على البحر شكل الغروب انهارده المغرب
آسر: مقلتيش ليه من الاول
فريدة: وانت مالك اصلا
آسر: طب عشان طولة لسانك دي هروح معاكي
فريدة: بس..
آسر: متخفيش مش هحرجك قدام حد هروح واقعد بعيد اتفرج عليكي
فريدة: ماشي
ـــــــــــــــــــــــــــــ
في المغرب راحت فريدة وآسر على البحر وبدأت فريده وهيثم في الرسم لحد ما خلصو
فريدة: تمام كدا هروح اسلم بتاعتي النهارده خلاص اخر معاد كمان يومين
هيثم: تمام انا كمان ورايا مشوار هخلصو واروح اسلمها
فريدة: تمام عن اذن حضرتك همشي عشان متاخرش وقامت تمشي
هيثم: فريدة
فريدة: نعم
هيثم: كنت عايز اطلب منك طلب
فريده: اتفضل
كل دا وآسر قاعد بعيد متابعهم
هيثم: كنت عايز رقم والدك عشان اطلب ايدك منو
فريدة: بس.....
آسر: معلش يا استاذ هيثم قطعت عليك اللحظة العاطفيه دي بس انسة فريده تبقى خطيبتي للاسف كان على عيني اخليك تطلب ايدها والله
فريدة: انا مش خطيبتك ومش موافقه
آسر: متخلنيش اتعصب عليكى ما انتى مش هتكوني لغيري يا انا هخدك يا ربنا يخدك حد تاني لا
فريدة: واقفه مصدومه
آسر: راح شدها من ايدها
فريدة: واخدني ورايح على فين وقف هنا
آسر: مش بيرد عليها لحد ما وصل للعربية وركبها وركب
فريدة: بتعمل ايه يا مجنون
آسر: مش انا مجنون هوريكي الجنان اللي بجد والله ما انتي مروحة لابوكي غير لما تقولي موفقه وعيزاك يا آسر والله هخطفك وما هتروحي
فريدة: مش هقول بطل جنان
آسر: براحتك وفضل ماشي بسرعه بالعربيه
فريدة: طيب خلاص خلاص رجعني والنبي بابا مش حمل خضه عليا
آسر: لما تقولي الاول
فريدة: طيب ارجع وانا هقول
آسر: لا مش هرجع قولي يلا
فريدة: غمضت عيونها شويه خلاص خلاص عايزاك يا آسر
آسر: لا مش من قلبك، انا مش فاهم اعملك اي عشان تحبيني و تثقي فيا اتقدن واتقدمت شغلي وسبتو عشانك خناق واتكسرت عشانك عملت كل حاجه مش بتحبيني ليه ها ليه انطقي المشكله ان كمان مفيش حد في حياتك يبعدك عني حتى لو فيه انا قلتلك يا اخدك انا يا ربنا يخدك
فريدة: بتوتر من صوتوا وزعيق و انت حمار يا لااا مين قالك اني مش بحبك مين قالك اني مش عيزاك انا بحبك اه بحبك ومش بقدر يعدي عليا يوم من غير وجودك فيه بس انا مش جاهزة دلوقتي اني اتحمل مسؤليه مش جاهزه عشان اواجه قلبي واوجهك بكدا افهم بقى افهم
آسر: طيب خلاص اهدي حقك عليا بس بردو مش هسيبك وملكيش دعوه بالمسؤولية انا يا ستي هشيل كل حاجه بوظي وانا هصلحلك ملكيش دعوه
فريدة: طيب رجعني بقا
آسر: لا
فريدة: انت بتستهبل
آسر: وصلنا انزلي
فريدة: اي دا
آسر: تعالي
خدها ودخلوا قاعة كبيره قوي وفيها ناس كتير فجأه لقت بنات جم شدوها وجهزوها ولبسوها فستان فرح وهما مغمين عنيها هش مش عارفه ايه اللي بيحصل حواليها
وفجأة خرجوها لقت بباها واقف مبتسم هي مش فاهمه فى ايه وليه لبسوها كدا
الاب: حضنها وبعدين خدها من اديها لحد ما وصل لحد آسر وهى باصه في الارض مش شايفه مين قدمها ولا اي حاجه
الاب: خلي بالك منها وحافظ عليها
فريدة: رفعت راسها بسرعه لقت آسر واقف لابس بدله ومبتسم
فريدة: هو في ايه
آسر: في اني هخدك
فريدة: بس انا مش...
آسر: اخذك انا ولا اموتك
فريدة: لا لا خلاص انت
آسر: ما انتي لو متي هموت واروح لك بردو
فريدة: مش بحبك على فكره
آسر: بس انا بحبك على فكره
ـــــــــــــــــــــ
فريدة طب تعلالي كدا بقى
آسر: اي دا انتي اتحولتي لي في اي انا معملتش حاجه والله
فريدة: بقى يتقولي يا انا اخدك يا ربنا يخدك عيزني اموت يا آسر عايز
تموتني وبعياط مستطنع هو انت كدا بتحبني أنا بكرهك خلاص مش عيزاك
آسر: اي دا اي دا مين قال ربنا يخدك وتموتي
فريدة: انت قلت يا انا هاخدك يا ربنا يخدك
آسر: مقلتش تموتي أنا اصلا مقدرش اعيش من غيرك ولما انتي تموتي انا اعمل اي من غيرك اعيش في الدنيا ازاي وانتي مش فيها لو غيبتي عن عيني بس بتعفرت تخيلي تروحي خالص مش هقدر اعيش بجد
فريدة: امال كان قصدك اي يعني ولا بتهزر
آسر: لا يا عيون آسر مش بهزر بس مش قصدي تموتي انا بقول ربنا يخدك مش تموتي ولا اموتك انا انتي لو مش ليا ربنا يخدك من حياتي ومن قلبي وعقلي وحالي ربنا يخدك من عالمي انا يخدك من قدام عيني يا اموت ويخدني منك لمكان مش هتوحشيني فيه مش هبقى مشتقلك ولا عايز اشوفك فيه لكن تموتي تموتي يا فريدة وكمان فكراني انا هآذيكي ولا اموتك يابنتي انا بخاف عليكي من شكة الدبوس بخاف اشوفك بتتآلمي فابقى انا سبب آلمك اللي مش هعرف ادويه ولا اصلحو وبدأت عيونو تدمع انا انا مش متخيل انك ممكن تروحي مني في يوم خالص متمناش اليوم دا يجي خالص وانا عايش تعرفي انا بتمنى اي دلوقتي يا فريدة بتمنى إني ربنا كان خدك من جوى قلبي ومن حياتي على انك بقيتي معايا انا بقيت خايف الموت يسرقك مني اكتر من ان حد ياخدك مني على الاقل هتبقى قدام عيني ومطمن عليكي انتي عايشه ومبسوطه وبشوفك لكن لكن ازاي وصوت عياطو علي...
فريدة: خلاص اهدي متزعلش
بس تعرف انا اكتر حاجه حببتني فيك جنانك وتمسكك بيا كنت ديما بتمنى من ربنا انو يرزقني بحد يتمسك بيا كدا ويحبني ربع حبك بس واقولك سر كمان انا بحبك من اول لحظة دخلت فيها المعرض عندي وحتى جبت كل حاجه عنك وكل حاجه عن حياتك عشان اعرف انت مين مكنتش بعرف اغفل عيوني وانام لو مشوفتكش اليوم دا وبفضل اقول مجاش لي حصلو حاجه طيب
كنت ببقى هجري اعترفلك بكل حاجه لما بحس للحظة انك حاسس باليأس وممكن تبطل تحاول
آسر انا حياتي عمرها ما كانت كامله إلا بيك ربنا يديمنا لبعض وميخدش اي حد منا من التاني لان مش انت لوحدك اللي مش هتستحمل وانا كمان مش هستحمل اشوفك بعيد عن عيني ويا انا اخدك بقى يا ربنا ياخدك
آسر: آله
فريدة: بضحك إن كان عجبك بقى
آسر: اي حاجه منك حلوه وبتعجبني
تمت
"عندما تعشق لا تتنازل عن معشوقك حتى ولو كلفك هذا الكثير فلا تتركه يرحل، وكن معه دائما وكأنك اسير، فاما أن يكون معك او لا يكون مع غيرك"
تعليقات
إرسال تعليق