حوار صحفي ملك محمود
حاورتها ياسمين احمد
السلام عليكم
گ ياسمين احمد من جريدة جاردينيا أريد عمل لقاء صحفي معاكِ
عرفيني بنفسك؟
اسمي ملك محمود العدوي، عندي 14 سنة، داخلة 3 اعدادي، من محافظة الجيزة
متى بدأتِ في الكتابة؟
من سنتين.
هل لديكِ أوقات معينة مخصصة للكتابة؟
لاء، أنا لما بكتب بيكون حسب حالتي، يعني بكتب في كُل الأوقات.
من كان الدعام الأول لكِ؟
ماما.
واي هدفك من كون القراء بيختارو كتابتك ويقروها؟
هدفي في كُل الكتابات إني بوصلهم الواقع على هيئة خيال، فمثلا بكتب قصة في أرض خيالية بس اللي بيحصل فيها واقعي وبيبقى مشاكل بتواجه المجتمع.
خلينا نتخيل ان موهبتك العظيمه دي هي طفلتك المدلله قلنا ازاي بتتعامل معاها عشان تنميها...؟
بشوفها محتاجة إيه وبعمله، لو كانت محتاجة تغيَّر من أسلوبها فأنا بساعدها، لو كانت محتاجه تصلَّح أخطائها بردو بساعدها، ولو كانت محتاجة حد يشجعها، فأنا بقولها تخيَّلي كده إن الكاتب الأدبي "نجيب محفوظ" هو اللي بيقيِّم كتاباتك وبتعجبه كمان.
واي كان الدافع الاول للنجاح في مجال حاليا بيشمل الكبير قبل الصغير؟
الدعم، الدعم بيكون دافع لنجاح أيّ حاجة، لو مفيش دعم محدش هينجح وأغلب الناس في كُل المجالات هيجيلهم إحباط.
هل أنتِ عضوة في أحدى الكيانات؟ وما هم؟ وهل حصلتِ على الإفادة من أحدهم؟
أكيد، في كيان مزايا الروح،وكيان صرخة قلم، وكيان مُلهم، وكيان جاردينيا، الكيانات دي تُعتبر من إحدى العوامل اللي خلِّتني أحسِّن أسلوبي في الكتابة.
هل لديكِ أعمال فردي ام مجمع ام إلكتروني ؟
كتب فردية لاء، لكن طبعا عندي روايتين فردي غير القصص القصيرة والخواطر والاسكريبتات، والأعمال المجمعة الورقي مشاركة في 3 كتب خواطر وأحد هذه الكتب اسمه "مشاعر خلف الجدران" أما البقية لسه مش متحدد ليهم اسم، إلكتروني مجمع مشاركة في كتاب قلوب تئن، وكتاب كمد، وكتاب اسكريبتات.
ما الذي تريدين فعله الفترة القادمة؟
أكون مُتمكنة بنسبة 100% من المجال، رغم إني بالفعل قربت أكون متمكنة منه جدًا، ويكون ليا جمهور بيدعمني وعمل فردي ليا في المعارض القادمة بإذن الله.
هل في يوم حد قالك ان انتي مش موهوبه او وجهلك كلام خلاكي تحسي انك مش موهوبه او كان المجتمع الي حوليك بيحبوا موهبتك وبيشجعوكي..؟
متقالتش ليَّا بالنص، اتقالي اللي كُل اللي بعمله دا تفاهات، وبقيت أنا التافهة، بس دا عُمره ما قصَّر فيا، لأن عمر ما هبص للكلام السلبي، بالعكس أنا بشوف الكلام الإيجابي بس، والحمد لله عدد كبير من اللي حواليا بيعجبهم كتاباتي، ومتابعينها.
نصيحة للكُتاب المبتدأين تقوليلهم اي؟
قبل ما تحب تبدأ في الكتابة تكون واثق من نفسك، حتى لو كتاباتك مش واو، هتقابل انتقادات كتير، ومينفعش ترفضها وتنعزل، بالعكس تقبَّلها لأن دي بتكون عامل أساسي للنجاح والتطوير في أسلوب الكتابة، حاول تراعي أخطاءك الإملائية قبل اللغوية، بحيث النقد ميجيش على حاجات تافهة، لما تيجي تكتب يكون محتوى هادف، يقدر يفيد المجتمع ويوعِّهم، يمكن تكون سبب في هدايتهم، بدل ما تكتب حاجات ومشاهد لا تليق بأسلوب كاتب، وتيجي تتحاسب على كل حرف كتبته، وكل حرف شخص قرأو، فمابالك كام هيقرأ العمل دا، الأحسن تاخد ثوابه بدل ما تشيل ذنبه.
سعيده بمعرفتك جدا وأتمنى أن تحققي ما ترغبين به، وهكذا يكون قد أنتهى اللقاء، ونتمنى لكِ النجاح فيما هو قادم، وكان شرف لنا عمل اللقاء معكِ، والسلام عليكم.
وأنا اتشرفت بيكي جدا والله
مبارك يا روحي 🔥
ردحذفمبااارك
ردحذفبراڤووو يا لوكة،ة💚💚💚💚💚
ردحذف