حوار صحفي يوسف طلعت
حاورته إسراء الزهدي
ما هو اسمك؟
يوسف محمد طلعت
كم عمرك؟
16
محافظتك؟
الجيزه
ما هي موهبتك؟ وكيف علمت بها؟
الكتابه ...
و انا صغير كنت بحب اكتب تعبير كتير اوي و كنت ببقا فرحان و انا بكتب جداً..
حدثنا عن مشوارك الكتابي؟
مشواري الكتابي متقطع شويه تقريبا الحاجه الوحيده الي ثبته اني كنت بكتب تعبير من وقت للتاني.....
هل في يوم حد قالك ان انت مش موهوب او وجهلك كلام خلاك تحس انك مش موهوب ولا كان المجتمع الي حوليك بيحبوا موهبتك وبيشجعوك..؟
محصلش قبل كده ان حد قالي ان مثلا مش بعرف اكتب بالبلعكس ناس كتير شجعتني .. و الي كان بينتقدني كان بينتقد عشان عوزني اطلع الاحسن من كده...
هل لديك أعمال؟ وما الذي استطعت تحقيقه منذ بدايتك في الكتابة؟
ليا كتاب واحد شاركت فيه بس و كتاب تاني لسه شغلين عليه...
يعتبر محققتش حاجه تذكر عشان مكنتش بدخل في كيانات و كده عشان مكنتش اعرف ان في حاجه زي كده و في حاجه اسمها كتب مجمعه و كيانات ليها علاقه بالكتابه وكده.....
لسه الفتره دي عرفت كل ده و دخلت في كتب .
هل أنت عضوة في أحدى الكيانات؟ وما هم؟ وما أول كيان دخلته؟ وهل حصلتِ على الإفادة من أحدهم؟
مش عضو في اي كيان .....بس قريب ان شاء الله .... حصلت علي افاده من شخص هو الاقرب ليا و كان ليه فضل كبير اني اكتب او ارجع للكتابه و كان ديما الشخص ده بيشجعني و بيحاول يخليني اطلع احسن ما عندي ....
و بوجهله الشكر من مكاني دلوقتي..
ما هي التكريمات والشهادات التي حصلت عليها؟
زي ما قولتلك مكنتش بهتم بالمسابقات الالكترونية او مكنتش اعرفها فمحصلش فرصه وخدت شهاده قبل كده بس قريب ان شاء الله هيبقا معايه..
من أول شخص عرف بموهبتكِ ودعمكِ؟
اول شخص عرف بموهبتي هي امي عشان كنت بكتب كتير قدمها وانا صغير و هي لحظت اني بعرف اكتب في مواضيع كتير و كانت بتشجعني ديما علي القرائه و الكتابه
هل لديكِ أوقات مخصصة للكتابة؟
لا مليش اوقات مخصصه بس اوقات ببقا قاعد سطرين يجو في بالي ليا جروب خاص بيا انا لوحدي فيه بخش بكتبهم و بكمل عليهم الخاطره..
خلينا نتخيل أن موهبتك العظيمة دي هي طفلتك المدلله قليلنا ازاي بتتعاملي معاها عشان تنميها؟
هديها كل الا هتمام عشان تكبر و تبقا احسن و احسن و علي قد ما اقدر هديها معلومات عن كل مجالات الحياه ...
هل قرأت كتب؟ وما أفضل الكتب التي قرآتها؟
قرأت كتير ...بس كتاب واحد بس الي حبيبته محبتهوش عشان مشوق ولا اي حاجة بس حبيبته عشان بيوريك الناس الي حوليك عيشين ازاي و بيشرح شخصيات الناس ... اسم الكتاب... محاط بالحمقى
كلمنا عن قدوتك
مفيش حد محدد بس بحب اقتدي بأي كاتب مجتهد و بيحاول يطور من نفسه....
ما هو هدفك في الفترة القادمة؟
هدفي اني استمر و احاول اتوسع في مجال الكتابه و اتعلم الالقاء
نصيحة للكتاب المبتدأين تقوليلهم أي؟
نصيحتي ليهم .. استمر و اكتب و اغلط و عافر مفيش حاجه بتيجي من اول مره .... كلنا كانت بديتنا وحده مش عرفين نرتب افكرنا بس مع الممرسه و التعب هتوصل للي بتحلم بيه
هل تريد تقديم الشكر إلى أحدهم؟
اه بوجه الشكر لشخص واحد كان جمبي طول الفتره الي فاتت و كان بيشجعني و لازال بيشجعني علي اني اطور من نفسي و الشخص ده احب اقوله بحبك علي كل الي عملته عشاني من تشجيع و مساعده و وقف جمبيه كتير .... و في فتره كنت مقرر اني ابعد عن الكتابه خالص و هو كان سبب في اني اغير قراري ده......
شيء من كتاباتك
قد يعتقد البعض ان النوم ملجأ من مشاكل و صعاب الدنيا...
و يظنون انهم بنومهم هذا يحلون مشاكلهم اليوميه و مشاكلهم الماديه ....!
و في الحقيقه إنهم لا يفعلون غير الهروب من تلك المشكلات ف النوم لا يغير اي شئ.!؟
هل صاضف عليك يوم ما و خلدت الي النوم و انت تحمل علي عاتقك الكثير من المشاكل و من ثم استيقظت وجدت تلك المشكلات حُلت..؟
الاجابه هي لا ..!
لان النوم لا يحل اي مشكله سوا مشكله واحده و هي الارهاق او التعب الجسدي و ليس الارهاق النفسي فهانك فارق كبير بينهم..
ف الارهاق الجسدي او التعب الجسدي .... ب مجرد الذهاب للنوم يزول كئنه لم يكن ..وفي هذه الحاله استطيع ان اقول لك ان النوم ملجأ لك... فهو يزيل ذالك الهم عنك....!
اما الارهاق النفسي او اتعب النفسي..... ف نم كما تشاء أقول لك شئ نم العمر كله نم العمر بطوله اقسم لك انك لا تصلح مجرد شعره من الذي بداخلك من خراب ..!
لنوم ليس ملجأ و هذا شئ يجب ان نتفق عليه.. هو عباره عن مهرب او مكان للهروب و كذالك هروب مئقت ف انت لا تنام اليوم او الدهر كله تنام بضع ساعات ثم تستيقظ لحل مشكلاتك التي نمت و هي علي كتفك و استيقظت و هي علي كتفك ايضاً ...!
يوسف طلعت.
أتمنى أن تحقق ما ترغب به، وهكذا يكون قد أنتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم.
تعليقات
إرسال تعليق