حوار صحفي مريم سيد
الصحفية مريم خالد
- السلام عليكم
- ك/ مريم خالد من جريده جاردينيا وأريد عمل لقاء صحفي معك
- ما هو اسمك؟
مريم سيد محسوب حسن
- كم عمرك؟
20سنه
- محافظتك؟
اسوان
- لقبك؟
مريومه الفنانه
- ما سبب اختيارك لهذا اللقب؟
هو مش لقب بالظبط بس معظم الناس بتقولي مريومه الفنانه
- ما هي موهبتك؟
الرسم
- كيف اكتشفت هذه الموهبة؟ ومنذ متى؟
كنت دايما احب اشخبط علي جميع جدران المنزل في طفولتي بطريقه كبيره
- مَن أول شخص عرف بموهبتك ودعمك؟
بابا الله يرحمه اكتشف موهبتى
الجميع دعمنى من اهلي واصحابي
- حَدَّثَنَا قليلًا عن مشوارك وخوضك لهذا الفن؟
كان مشورا حلو اوووى وحقيقي الرسم كان اكبر داعم ليا انى اخف من الكانسر
والدكتوره/ عبله الكحلاوى رحمه الله عليها كانت تدعمنى وتجيبلي ادوات رسم عشان نفسيتى تتحسن واقدر اتخطى المرحله دي في حياتى بالرسم
- ما هي التكريمات والشهادات التي حصلت عليها؟
تكرمت بشاده تقدير في جمعيه الباقيات الصالحات بتعت الدكتوره/ عبله الكحلاوى بالقاهره
واتكرمت مرتين بشادات تقدير وميداليات بالقاهره شارع المعز لدين الله الفاطمي مسرح الرابع الثقافي
- هل في يوم حد قالك إن أنت مش موهوب أو وجهلك كلام خلاك تحس إنك مش موهوب ولا كان المجتمع اللي حواليك يحبون موهبتك ويشجعوك ...؟
لا بالعكس الجميع كل يوقف جمبي ويدعمنى محدش قل من موهبتى ابدا
- خلينا نتخيل أن موهبتك العظيمة دي هي طفلتك المدللة قلنا أزاي بتتعامل معاها عشان تنميها؟
كنت ههتم بيها جامد واخلي اوضه مخصصه للرسم وفيها جميع الادوات بتعت الرسم واذينها واخليها اجمل مكان بالبيت
- ما رأيك باكورسات الرسم؟
مجربتش كورسات قبل كده بس بفكر قريب اروح واطور من موهبتى اكتر إن شاء الله
- هل تظن أن باستطاعة أي شخص أن يصبح رساماً؟
اي حد لو حط هدف وكان حابب الرسم وكان عنده عزيمه للرسم اكيد هيقدر يرسم ويبقي فنان كمان والرسم عاوز تدريب وتمرين عشان نقدر نرسم حلو حتى بدون كورسات تعليميه
- كلمنا عن قدوتك؟
مفيش حد كان قدوتى في الرسم كنت احب اقلد اختى الكبيره وهيا بترسم وحبيتو وطورت نفسي بنفسي
- ما هو هدفك في الفترة القادمة؟
انى احاول اطول اكتر واكون مميزه في الرسم وابقي رسامه كبيره بإذن الله
- نصيحة لمحبي الرسم المبتدأين تقولهم أي؟
اوعى توقف عن حلمك وعافر عشان توصل لاعلي القمم ومفيش حاجه مستحيله كلو بأيد ربنا وربنا قادر علي كل شئ
- هل تريد تقديم الشكر إلى أحدهم؟
رحمه الله عليها د/عبله الكحلاوى
د/ايمان اشرف
وعيلتى وجميع اللي دعمنى ووصلنى لهنا
- أتمنى أن تحقق ما ترغب به، وهكذا يكون قد انتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم.
تعليقات
إرسال تعليق