اسكريبت اختيار خاطيء
الاسكريبت الثامن
إسراء الزهدي
- يا ياسر ممكن تبعد عني؟!
= ليه انا زعلتك
- لا بس وجودك بيتعبني
ــــــــــــــــــــ
ياسر: مالك ياروح متغيره الفتره دي معايا ومبقتيش زي الاول
روح: معرفش ياياسر بس لو سمحت ابعد عني
انا مشيا
ــــــــــــــــــــــــــ
نسيت اعرفكم بنفسي انا روح فريد عندي 21 سنه بدرس فرقة رابعه كلية تجارة ودا ياسر خطيبي لكن بدأت اتخنق من وجودو ف حياتي وهخرجو ومش حبه وجودو
ـــــــــــــــــــــــــــــــــ
مالك ياروح:
روح: مليش يا دعاء مفيش حاجه انا كويسه
دعاء: يا بنتي مالك مش دي روح اللي اعرفها
روح: اتخنقت من ياسر كرهتو يا دعاء
دعاء: طيب احكيلي عملك اي مش كنتو كويسين
روح: كنا بس اتخنقت منو مبقتش طيقاه
دعاء: يا بنتي انتو اصحاب بقالكم سنتين او اكتر وبعد يعتبر حب وود بنكم اتخطبتو وديما بتشكري فيه وبتمدحيه وبتسمعي كلامو كمان متغيره ليه بقا الفترة دي ومش طيقاه
روح: مممم مفيش حاجه خلاص انسي
دعاء: بخبث روح انطقي حصل ايه
روح: بيقول انو بيحبني
دعاء: بضحك يا سلام ما طبيعي يكون بيحبك شوفي حجه غرها تحوري بيها عليه وبعدين اي قالك بحبك طيب ما هو علي طولب يقولك بحبك
روح: ااه بس بحبك كلام غير فعل تصرفاتو بقت تخوف قوي انا مش قادره استحمل وضعو دا
غير ان هو من وقت ما قلي نتخطب وانا وفقت وتحكوماتو زادت كان بيقعد يقولي اعملي ومتعمليش بس مش بالطريقه دي بقا بيتحكم فيا زياده بقا بيقولي مخرجش ومكلمش دي وملبسش دا ومش عارف اي وانا اتخنقت هو فاكر نفسو اي
دعاء: اممم طيب يا روح ما هو بيحبك وخايف عليكي
روح: بقولك تصرفاتو بقت غريبه ولا تطاق خايف عليا ايه
دعاء: طيب اقولك فكره حلوه دي اصلا اخر سنه ابداو اعملو ترتبات الفرح وكفايا خطوبه كدا
روح: انتي هتعملي زيو اصلا تصرفاتو مبقتش غريبه غير من وقت ما قالي نعمل الفرح الفتره دي وانا مردتش
دعاء: يبقا زي ما بقولك بيرازي فيكي عشان توفقي
روح: دعاء متعصبنيش اسكتي خالص انا بقيت اكرهو من تصرفاتو
دعاء: خلاص هدي نفسك هو ميقصدش دا بيغير عليك وبيحبك
روح: ممكن
انا همشي دلوقتي اروح عشان اتأخرت سلام
ــــــــــــــــــــــــــــــــــــــــ
روحت البيت اكلت ووقفت ف البلكونه شويه بتفرج على النجوم وسرحانه وبتكلم "يارب هو ليه كل الناس اللي بحبهم يعملو كدا ليه بيخلوني اكرهم يارب لو هو فعلا مؤزي ليا ومش خير زي ما انا حساه دلني على الصحه ونورلي الطريق يارب انا مش حمل صدمات ف الناس تاني"
- واقفه ليه ف البرد كدا لوحدك ومين هو دا اللي مؤزي
= هه لا يا ماما مفيش حاجه دا انا بدعي ربنا بس
- ااه بتدعي طيب يلا ادخلي نامي عندك جامعه الصبح
=حاضر يا ماما
ـــــــــــــــــــــــــــ
دخلت اوضتي مسكت تلفوني وقعدت اقراء ف الروايه بتاعتي شويه لحد ما نمت
ـــــــــــــــــــــــــ
رووووووح اصحي يا روووووح
روح: اي يا دعاء حد يصحي حد كدا
دعاء: ااه قومي عندنا جامعه
روح بنعس: سبيني انام شويه بس
دعااء: طيب تعالى اقولك سر عشان طنط متسمعش
روح: ودني اهي قولي
دعااء: بصوت عالى تووووووووووت ههههههههه
روح: تعالى هنا والله ما هسيبك وبتجري وراها
فجأه تلفونها رن
دعاء: تلفونك بيرن شوفي مين
روح: بزعل دا دا يا ياسر
سيبك منو يلا هلبس عشان ننزل
ـــــــــــــــــــــــــــــــــ
لبست ونزلت الجامعه
ياسر: مش بتردي عليه ليه
روح: كدا ابعد عني بقا يا اخي
دعاء: اديلو فرصه يا روح وعتبيه انا هسبقك انا على المدرج
روح: نعم عايز اي مني تاني بعد اللي عملتو
ياسر: انا اسف
عتبيني طيب انتي عارفه اني بحبك
روح: بنفاذ صبر ياسر انا لحد دلوقتي مخبيه كل حاجه ودعاء متعرفش غير اللي الكل عرفو متخلنيش اكرهك اكتر كان ممكن اصفالك بس بعد انهارده مستحيل بعد اللي عملتو انت مش بتفهم انا بكرهك خلاص والحب اللي عندي ليك بقا سراب ابعد عني وعن طريقي بقا وكفايا ازيه ولو بتحبني زي ما بتقول ابعد بقا حرام عليك
ياسر: بس انتي مينفعش تكوني لحد غيري يا روح انا ممكن اموت
روح: بس انا مش هبقي ليك يا ياسر لانك ازتني جسديا ونفسيا ازيت قلبي وروحي ابعد بقا يا اخي
ومشيت بسرعه
ياسر: الو يا دعاء اقنعيها ترجعلي يا دعاء ارجوكي
دعاء: انت عملت اي يخلي روح كدا دي طول عمرها طيبه اول مره تبقا بالشكل دا وبالقسوه دي
ياسر: قوليلها تسامحني انا مقدرش اعيش من غيرها هي عرفه اني هموت بعدها قوليلها تسامحني يا دعاء انا عارف اني غلط بس قوليلها تسامحني انا اسف والله
دعاء: هحاول اتكلم معاها بس مدام قالت مش هتكمل يبقا مش هتكمل ياريت تبعد ومتظهرش ف حياتها تاني وهي هتسامح لكن مش هتكمل ولا هترجع
ياسر: مش هقدر متخلهاش تسبني
دعاء: سلام يا ياسر
ـــــــــــــــــــــــــــــــــــ
روح: عايزة اي يا دعاء
دعاء: اهدي يا حببتي كل حاجه هتبقي كويسه
روح: حاضر يا دعاء حاضر
دعاء: هو مش ممكن تسامحيه
روح: اسامحو على اي ولا اي على خنقتو الزايده وتحكوماتو ولا عن غلطاتو الكثير ولا عن عياطي بسببو ولا عن....
دعاء: عن اي يا روح اتكلمي
روح: مفيش
دعاء: خلصي يا روح احنا مش بنخبي على بعض حاجه
روح: بتنهدية هحكيلك
ــــــــــــــــــــــــــــــــــــ
*فلاش باك*
- حاضر يا ماما هدخل انام
دخلت اوضتي وفتحت موبايلي اقراء الروايه بتاعتي
فجأه جالى مسج من رقم غريب
- انتي روح
= ااه مين حضرتك
- انا سلمي
= تعرفيني
- عز المعرفه دا ياسر مش بيتكلم غير عليكي
= وانتي تعرفي ياسر منين
- ما هو مرتبط بيا بقالنا 4 سنين بس لما انتي ظهرتي ف حياتو قالي اننا هنفضل مرتبطين كدا وخلاص لكن هياخدك انتي لانو بيحبك انتي
وبصراحه انا اتخنقت من كلامو عليكي وقررت اقولك عشان تسبيه ويبقا ليا لوحدي
= وانا اي يخليني اصدق واحده زيك اصلا
- اساليه يا حببتي سلام
ـــــــــــــــــ
- ياسر
= اي يا حبيبي
- انت تعرف واحده اسمها سلمي
= هه مين سلمي دي يا حببتي
- متحورش يا ياسر واخلص
= طيب اسمعي والله انا بحبك انتي ودي كانت صحبتي من زمان
- ومقلتليش عليها ليه
= مكنش في داعي يا حببتي
- انت كداب وخاين بعدتني عن كل اصحابي وحرمتني من كل حاجه بحبها تحت مسمى الحب لازم تعرف عني كل حاجه قبل ما اعملها وانت عارف اني مش بحب كدا بس بتجبرني اقولك بتخنقني ف كل اختياراتي وفكل حاجه وترجع تقولي ما عشان بحبك وعشان خايف عليكي عشان بغير عشان بتنيل وانا بقول مش مشكله ياروح مدام بيحبك وبيرضيكي وانت اصلا بتخوني ياسر انا كنت ببرللك غلطاتك بس دلوقتي انا بكرهك ومش عايزة اعرفك تاني واخرج من حياتي عشان خلاص مش حبه وجودك فيها وانا ندمانه اني كنت واثقه ف واحد زيك اصلا
ياسر: اسمعي طيب
روح: اسمع اي اسمع اي وانا كل يوم بكتشف خيانه جديده ليك
سلام يا ياسر
ــــــــــــــــــــــــــ
*عودة من الفلاش باك*
روح: بس يا ستي طلع بيخوني وخان ثقتي وخان كل ذكره حلوه بنا وخان كل حاجه
دعاء: طيب اهدي يا حببتي اهدي
روح: دا مسموش حب صح دا ازيه وكدب وخيانه
دعاء: خدتني ف حضنها معلش يا حببتي ربنا كشفو على حققتو
روح: صح انتي صح تعرفي وانا واقفه ف البلكونه بدعي ربنا بعدها حصل كدا دي اشارة من ربنا انو مكنش خير ليا خالص
دعاء: شوفتي يا حبي.........
روح: شارده وهي في حضنها لما انتي بس سمعتي حوار سلمي وشفقتي عليا امال لو تعرفي هو عمل فيا اي تاني لو تعرفي كل حاجه عملها كان بيأذبيني بيها ويعتذر وانا بسمحو آه يا قلبي
قطع شرودها صوت ياسر من وراهم
ياسر: انا اسف يا روح
اسف على كل حاجه والله اسف بس انا حبيتك بجد انا عارف اني غلطت كتير واني مستهلش تسمحيني حتى بس انا بحبك والله ومحبتش غيرك
وهخرج من حياتك خالص انتي معاكي حق هبعد خالص عنك ومش هظهر خالص ف حياتك تاني انا اسف بجد على كل حاجه عملتها سلام
ــــــــــــــــــــــ
روح رجعت البيت
الام: تعالي يا روح عيزاكي
روح: نعم يا ماما
الام: ياسر عملك اي عشان تفسخي الخطوبه
روح: معلش يا ماما مش قادره اتكلم في الموضوع ده عايزة انام
الام: يا بنتي متوجعيش قلبي عليكي
روح: مفيش حاجه يا ماما انا بقيت كويسه
الام: متخبيش عليا يا بنتي اتكلمي
روح: انا بجد كويسه يا ماما
واما ياسر فا دا نصيب واحنا ملناش نصيب مع بعض عادي
الام: ربنا يهديكي يا بنتي ويريحك قلبك وبالك ويبعد عنك ولاد الحرام يا حببتي
روح: ايوه ادعيلي يا ست الكل مش محتاجه غير دعواتك انا هروح انام
ـــــــــــــــــــــ
روح في اوضتها اتوضت وصلت ركعتين لله
"يارب يارب استودعتك قلبي فاحفظو ليا يارب انا عارفه اني استهلكت كل حبي وكل طاقتي للشخص الغلط وان اختياري كان غلط واني لما الحيت عشان يبقي ليا كان اكبر حاجه غلطه انا عملتها انا عارفه ان اختياراتي كلها غلط وان ترتيبك انت يارب بيبقي احسن بكتير من اختيارنا انا مش طاليه غير علاج لقلبي دا يارب الحمل تقيل عليه والجرح كبير مش قادره عليه لوحدي يارب مليش غيرك ارحلو متردنيش خايب واجبر خاطري عن كل حاجه وحشه عشتها يارب"
خلصت دعاء وقامت اتغطت ونامت وهي دموعها مش مبطله نزول وفضلة تعيط كتير قوي لحد ما غفت في النوم.
"وكأن اختياراتنا بمثابة خنجر فى منتصف القلب لا دواء لها ولا شفاء"
لما اخترتك كانت غلطه
كنت بتغلط وارجع اسامح
وانا وياك كنت دواك
لكنك كنت ليا الالم
كنت بسمع كل انينك
كنت دواك وكنت حنينك
كنت ضي لكل سنينك
وانت كنت ليا شمعه
حرقت كل بساتيني
سبتني في عز ضعفي
وباقوي قوه عندك
غرزت في قلبي سككينك
كسرت قعدة الموعيد
واخترت بنفسك تبقي بعيد
فمتلمنيش لو كنت وحيد من بعدي
او خانتك ذكري او دمعة شوق
يوم كنت فيه انا جنبك
ورفعت ايدك للسماء ودعيت
اني افضل طول العمر حدك
تعليقات
إرسال تعليق