اسكريبت حب عمري
الاسكريبت الثاني
إسراء الزهدي
قلتلك هتتجوزي ادم يعني هتتجوزي ادم
= يا ماما مبحبهوش مش هتجوزو مش بالعافيه
الام: وانا قلت بالعافيه وهتتجوزيه يعني هتتجوزيه يا روح
روح: يا ماما بس...
الام: الكلام خلص
روح: يوا بقا انا رايحه الجامعه
ـــــــــــــــــــــــــــ
انا روح فريد عندي 20 سنه بدرس في كليه تجارة فرقة رابعه بابا متوفي ودي ماما مصره تجوزني لواحد مبحبهوش عشان خايفه عليا لانها مريضة قلب وبتقول ان نفسها تطمن عليا قبل ما تموت
ـــــــــــــــــــــــ
روح: هاي يا داليا عامله ايه
داليا: الحمدلله مالك يا بنتي كدا وشك مخطوف ليه وباين عليكي مرهقه قوي
روح: مفيش حاجه يا داليا انا كو......
داليا: روح ياروح فوقي
يا جماعه حد يلحقني بسرعه اطلبو اسعاف او اي حاجه
ـــــــــــــــــــ
داليا: الجامعه كلها اتلمت علينا وطلبو اسعاف ورحت معاها المستشفى وبعد نص ساعه...
روح: انا فين
داليا: حمدالله على السلامة بقا كدا تخضيني عليكي
روح: في اي يا داليا اي اللي حصل
داليا: وقعتي وانتي بتتك....
ـــــــــــــــ
محصلش حاجه يا انسه روح، مش دا اسمك بردو
روح: ااه مين حضرتك
داليا: دا الدكتور محمد الجوهري اللي كشف عليكي
روح: هو انا عندي اي يا دكتور
د/ولا اي حاجه شوية هبوط من قلة الاكل
روح: هبوط يعمل كل دا
د/ااه حولي بس تخلي بالك من نفسك وبلاش ترهقي نفسك كتير ولا تزعلي
روح: شكرا جدا لحضرلك يا دكتور اقدر امشي
د/ااه طبعا اتفضلي الف سلامه عليكي
روح: الله يسلمك يا دكتور مع السلامه
ـــــــــــــــــــــــ
طلعنا من المستشفى ووقفين بندور على تكسي
داليا: روح خليكي هنا هروح اشتري حاجه بسرعه وارجع ماشي
روح: ماشي
ــــــــــــــــــــــــ
روح: ااه
مجهول: انا متأسف جدا يا فندم والله مقصدش كنت مستعجل بس
روح: حصل خير مش مشكله الورد بتاع حضرتك اتبهدل
مجهول: لا لا مش مشكله عادي
روح: شكلو اتبهدل بسببي وشكل حضرتك جيبو لمناسبه او حاجه وغالي
مجهول: الحقيقه كنت جيبلو لخطيبتي بس مش مشكله عادي حصل خير هجبلها حاجه غيرو
روح: انا حقيقي متاسفه جدا لحضرتك
مجهول: متتاسفيش انا اللي خبط فيكي اصلا انتي ملكيش ذنب
روح:.....
مجهول: اممم عمتا كام ورده بس اللي باظو متزعليش
روح: كويس حصل خير
مجهول: بما ان انا اللي خبطك والمفروض انا اللي اعتذر فتقبلي الورد دا مني كاعتذار عن اللي حصل
روح: لا لا انت جيبو لخطيبتك وكمان محصلش حاجه يعني عادي
مجهول: كدا كدا خطيبتي هجبلها حاجه تاني وبصراحه انا بتلكك عشان اديكي الورد اتمني تقبليه ومتكسفنيش
روح: تمام متشكره جدا يا كابتن.....
مجهول: ياسر بشمهندس ياسر
روح: متشكره جدا يا بشمهندس ياسر
ياسر: عن اذنك محتاجه اي حاجه
روح: لا شكرا
ياسر: سلام
ــــــــــــــــــــــ
داليا: يا سيدي يا سيدي ورد كمان ومين الواد الحليوه دا يا بت
روح: حليوة اي انتي التانيه كل دا بسببك يلا امشي قدامي
داليا: بتخبي عليا دا انا دودو بردو قولي مين دا ها مين ها مين
روح: يا ساتر عليكي حاشره منخيرك في كل حاجه كدا واحد خبط فيا وحب يعتذر فادالي الورد عادي يعني مفيش حاجه
داليا: عادي يعني مفيش حاجه ارهنك ان ما كان معجب بيكي
روح: يا مثبت العقل يارب الصبر من عندك بت اريحك خاطب والورد كان لخطيبتو تخرسي بقا اسكتي
داليا: يا خساره كنت بقول هلبس فستان قريب
روح: داليا انا مش فيقالك سبيني في همي والنبي ويلا سلام عشان انا هموت وانام
ـــــــــــــــــــــــ
روح: ازيك يا ماما عامله ايه
الام: الحمدلله يا روح تعالي يا حببتي هنا عيزاكي
روح: اي يا ماما
الام: هو انتي ليه مش موفقه على ادم يا حببتي اي اللي مش عجبك فيه علشان ترفضيه بالشكل دا
روح: يا ماما مش بحبو مش بطيق اشوفو قدامي حتى بتخنق لما بشوفو انتي مش قادره تفهميني ليه انا مش رافضه فكره انك تجوزيني انا رفضه الشخص دا نفسو وانتي حضرتك مصره تجوزهولي خلاص يا ماما هعمل اللي انتي عيزاه مش انتي كدا هتكوني مبسوطه
الام: يا حببتي انا سعادتي لما اشوفك سعيده ولو على ادم فخلاص انا رفضتو بس متزعليش نفسك يا بنتي ولا تتعبي وتروحي مستشفيات احنا مش حمل البهدله دي يا حببتي وانا مش هقدر اخسرك متزعليش مني يا بنتي وسمحيني
روح: متقلقيش يا ست الكل مفيش حاجه انا كويسه والله بس انتي مين قالك على حوار المستشفى دا
الام: عرفت وخلاص ويلا ادخلي غيري هدومك على ما اعملك الاكل
ـــــــــــــــــــــــــ
تاني يوم في الجامعه
روح: بقولك اي دودو متيجي نخرج انهارده نتمشي شويه عشان مخنوقه وحسا اني محتاجه اغير جو كدا
داليا: يلا بعد الجامعه اي رايك
روح: اشطا
حضرنا المحاضرات وخلصنا وخرجنا
داليا: هنروح فين
روح: تعالي نشتري ايس كريم ونقعد على البحر شويه في كافيه هناك جامد قوي نقعد فيه اي رايك
داليا: اشطا يلا
ـــــــــــــــ
وصلنا الكافيه
روح: روحي بقا انتي يا دودو هاتي الايس كريم عشان انا مش قادره امشي تاني وانا هقعد على التربيزه اللي هناك دي متتأخريش
داليا: اشطا هجيبو واجي
ـــــــــــــــــــــــ
- بس بس القمر قاعد لوحديه ليه
روح: وانت مالك احترم نفسك
- آله ومالك متعصب لي كدا يا جميل انا قلت اجي اونسك بس
حكم قعدة البحر دي محتاجه لونيس
روح: ملكش دعوه بيا وامشي من هنا احسنلك
- وان ممشتش
=همشيك انا
- وانت تطلع مين انت كمان
= انا عملك الاسود ويلا اتكل على الله من هنا
- وانت مالك يا عم هو حد كان كلمك ولا السنيوره تخصك
= ااه تخصني ويلا اتكل من هنا بالذوق
- طب مش ماشي واللي عندك اعملو
مسكو ضربو والشباب كلهم اتجمعو وضربوه وخرجوه برا الكافيه
داليا كانت جيه روح جريت عليها حضنتها من الخوف
- انتي كويسه
روح: ااه كويسه شكرا لحضرتك..
اي دا بشمهندس ياسر
ياسر: اااه شوفتي بقا الصدفه يا..
روح: انا روح
ياسر: اسمك جميل
روح: بخجل تسلم
ياسر: خلي بالك من نفسك الحمدلله اني كنت موجود وانقذتك
روح: شكرا جدا ليك والله انا كنت شويه وهعيط من خوفي منو
ياسر: لا تخافي ازاي وانا موجود
امم اقصد يعني مفيش حاجه تخوف دا عيل لو كنتي ندهتي على حد بصوت عالي بس كان هيمشي
روح: مش عارفه بقا اللي حصل شكرا مره تانيه لحضرتك والله مش عارفه اقولك ايه
ياسر: متقوليش حاجه خالص
روح: والله يعني انا بجد بجد مش عارفه اشكرك ازاي
ياسر: بسيطه اعزميني على ايس كريم لو مفهاش رخامه يعني واشركم اللحظه دي مع البحر
روح: اكيد طبعا حالا الايس كريم يكون موجود
ياسر: بس بشرط
روح: اي هو
ياسر: انا اللي هحاسب
روح: بس..
ياسر: مبسش ولا اقوم امشي شكلك بخيله ومش هتعزميني
روح: لا والله بس
ياسر: بس خلاص هروح اجيب واجي
ــــــــــــــــــــــــ
نسيت اقولكم ان الايس كريم اللي داليا جبتو اتكب من الخضه
داليا: لطيف اوي اسو دا
روح: مين اسو
داليا: ياسر قصدي لطيف كدا وقمور
روح: يارب صبرني عليها البلوه دي
اخرسي بقا عشان جي اهو
ياسر: ها بقا بتيجو هنا كتير
روح: كنت باجي مع بابا لكن من وقت ما مات بقيت باجي كل فتره وفتره كدا لاني بحب المكان هنا
ياسر: مكان جميل دا بقي مكاني المفضل باجي اقعد هنا كل يوم او انا مبمشيش من هنا اصلا الا لو في حاجه ضروريه هعملها
ياسر: وانتو بتدرسو اي بقا
روح: تجارة انجليزي احنا فرقه رابعه
ياسر: ربنا يوفقو يارب
داليا: مش يلا يا رورو كفايا كدا عشان الوقت اتأخر
روح: ااه يلا عن اذنك
ياسر: هشوفك تاني
قصدي هشوفكم تاني يعني
روح: مش عارفه ممكن يلا سلام
ـــــــــــــــــــــــ
بعد بضع دقائق...
داليا: يا بشمهندس الحقني
ياسر: حصل ايه
داليا: روح العربيه خبطتها برا تعالي بسرعه
طلعو يجرو
داليا: انا خايفه قوي عليها ليكون حصلها حاجة
ياسر: متخفيش هنقلها لمستشفي انا والدي دكتور وهنطمن عليها دلوقتي
راحو المستشفى
د/متقلقوش هي حلتها مش خطيره ادعلوها تقوم بالسلام
... بعد ساعه
داليا: هما اتاخرو ليه كدا في اوضة العمليات وبيقول ان حلتها مش خطيره امال اي كل دا
ياسر: متقلقيش هتبقي كويسه انا واثق
بعد شويه الدكتور خرج
د/الحمدلله هي بقت كويسه دلوقتي وفاقت وهننقلها غرفه عاديه اطمنو
ـــــــــــــــــــ
تعالي يا ياسر عايزك
ياسر: اي يا بابا في حاجه
د/لا يا ابني مفيش بس مستغرب يعني تعرفها منين البنت دي
ياسر: هبقي اقولك بعدين يا بابا
دلوقتي انا عايز اكلم ولدتها زمنها قلقانه عليها مش عارف اوصلها ازاي وداليا صحبتها منهاره خالص مش عارف اقولها حتى
د/انا عندي رقم ولدتها تعالي كلمها من المكتب عندي
ياسر: معاك ازاي يلا مش مهم بعدين تعالي ادهولي
ــــــــــــــــــــــ
كلمو ولدتها وجات وروح فاقت وبقت كويسه
ياسر: حمدالله على السلامة خوفتينا عليكي لو كان حصلك حاجه مش عارف كنت هعمل ايه
روح: الله يسلمك شكرا
هو انا ينفع اخرج من هنا
ياسر: لا يومين كدا لحد ما نطمن عليكي خالص
ــــــــــــــــــــ
عدا شهر وروح خرجت من المستشفى ورجعت البيت ونزلت الجامعه كانت بتروح استشاره كل كام يوم المستشفى عشان كان في كسر بسيط في رجلها كان بيروح ياسر يجيبها من الجامعه بعد الامتحان يوديها المستشفى وبعدين يرجعها البيت حولت روح ومامتها يخلو ميعملش كدا لاكنو كان بيصر
ـــــــــــــــــــــــــــــــ
ياسر: ها انهارده اخر يوم امتحانات وبقيتي خريجه رسمي
روح: ااه الحمدلله ياااه هم وانزاح
ياسر: روقان والله وراحت بال حاسس بيكي
روح: ههه ااه والله راحة بال
ياسر: اتكلمي
روح: اقول ايه
ياسر: حاسس انك عايزة تقولي حاجه ومتردده قولي متتكسفيش
روح: عرفت منين
ياسر: قدراتي، يلا قولي
روح: لا خلاص مفيش داعي دا فضول عندي بس ملهوش لازمه عادي
ياسر: قولي عادي انا حابب اسمع
روح: ماشي بس لو مش حابب تقول متقولش هو فضول زي ما قلتلك
ياسر: طيب يا ستي قولي
روح: هو انت مش كنت خاطب
قصدي يعني لما...
ياسر:مش محتاجه تشرحي حاجه انا فهمك
انا كنت خاطب بس مكناش متفقين مع بعض فا فركشنا
روح: امم انا اسفه لو ديقتك
ياسر: مفيش حاجه تدايق واي حاجه حبه تقوليها قولي علي طول متتردديش
يلا وصلنا
روح: ااه تعالي طيب اتفضل اشرب حاجه
ياسر: لا شكرا انا مستعجل ورايا كام حاجه مهمه هعملها
روح: يعني انا عطلتك اسفه
ياسر: مفيش عاطله يلا سلام خلي بالك من نفسك
ـــــــــــــــــــــــــ
الام: حمدالله على السلامة يا حببتي
روح: الله يسلمك
الام: بقولك يا روح جهزي نفسك عشان ادم جي انهارده
روح: ادم تاني يا ماما
الام: يا بنتي رفضتو بس هو طلب فرصه يتكلم معاكي وانا قلتلو ماشي
روح: ماشي يا ماما
ــــــــــــــــــــــــ
دخلت اوضتي وانا متعصبه فتحت تلفوني ونزلت استيت
*اثقلتنا الحياة من بعدك يا ابي*
بعدها بشويه لقيت ياسر علقلي عليها غريبه اول مره يبعتلي ما انا بنزل استيت ديما اشمعنا دي اللي علق عليها
ياسر: في ايه
روح: مفيش حاجه بابا وحشني بس
ياسر: بتكدبي
روح:... مقدرتش ارد عليه تاني قفلت موبايلي وقمت جهزت نفسي عشان ادم كان قرب يوصل
ـــــــــــــــــــــــــــــ
لبست درس اسود شيك ولفيت عليه الخمار النبيتي بتاعي وخرجت وانا بصه في الارض مش طايقه حتى ابص في وشو فضلت قعده وهو ساكت عمال بفكر لو كان بابا هنا مكنتش هتجبر اقعد مع واحد زي ادم دا انسان لا مش انسان ديما بيسخر من احلامي ومن كل حاجه بعملها ادم دا انا اعرفو من وانا طفله كنت بحبو جدا وكنا بنعمل كل حاجه مع بعض كان اعز اصحابي بس مع الوقت اتغير وبقيت بكرهو جدا ومش بطيقو حتى تفكيرو بقا غريب بيستهزاء بيا قدام اي حد وبيسخر مني
ـــــــــــــــــــــــــ
فضلت ساكته والدموع بتتجمع في عيني من كتر التوتر وفجاه كسر الصمت دا
- ساكته ليه
روح: هه
- هه اي ساكته ليه
رفعت وشي بسرعه انا عارفه الصوت دا دا مش ادم
روح: انت
- ااه انا امال كنتي فكره مين هي طنط مقلتلكيش ولا ايه
روح: هه لا ماما قلتلي انك ادم
ياسر: بعدم فهم مين ادم
- انا ادم
ياسر: وانت تطلع مين بقا
ادم: انا خطيبها وهبقي جوزها دلوقتي ادخل يا مولانا
ياسر: انا مش فاهم حاجه حدي يفهمني
ــــــــــــــــــــــــ
الام: بص يا ابني انت طلبت مني روح من يوم ما كنا في المستشفى وانا اديتك كلمه ان بعد امتحاناتها نعمل شبكه او فرح زي ما تحبو
لكن اللي حصل ان ادم هددني اني لو موفقتش بالذوق هيمضيها بالعافيه وهيجبرنا احنا الاتنين اننا نوافق
بعدين وصلو خبر انك بتوصل روح الجامعه والمستشفي وحلف انو هيجي ويجيب مأذون معاه انهارده ويتجوزها فكلمتك وقلتلك تيجي انهارده عشان تنقذ نا يا ابني منو ومن جبروتو ومردتش اقول لروح حاجه عشان انت عارف يا ابني حلتها النفسيه ووالدك قال ايه
ـــــــــــــــــــــــ
ياسر: متخفيش ياامي
ادم: هتعمل اي يعني يلا اطلع برا
ياسر: تعالي يا سيدنا اقعد هنا
روح: انت بتعمل ايه
ياسر: بص يا ابن الناس الجواز مش بالعافيه وانا بمكالمه مني البسك قضيه لو جبت اكبر محامي في البلد مش هيعرف يخرجك منها فبالذوق كدا ونلم الدنيا عشان انت متعرفنيش وبلاش تخليني اتغابي عليك لو روح قالت مش عيزاك بالذوق تاخد نفسك كدا وتمشي حلو يا ابا
ادم: انت فارد درعاتك كدا على اي
ياسر: شكلك مسمعتش عني بقا سمعت عن ياسر الجهري قبل كدا ولا الاسم دا معداش عليك
ادم: لا محصليش الشرف
ياسر: اديك سمعتو
ادم: اوعي بس كدا يا ابني وسع، ولسه هيشد روح
ياسر: شكلك مفهمتش انا قولت ايه اديك يا ابا لوتحشك وراح خبطو بنيه في وشو وقع على الارض ياسر راح ضربو تاني لحد ما مقدرش يتحرك وبعدين ربطو في الكورسي
ياسر: متخفيش يا روح سيبك من الواد دا انا هعرف اتصرف معاه وخرج عمل مكالمه وجه البوكس خد ادم ومشيو
روح: انت عملت ايه فيه
ياسر: معملتش حاجه قضيه تعدي بس حاجه بسيطه كدا
سيبك منو
روح: انا مش عارفه اشكرك ازاي بجد
ياسر: اقولك انا قوليلي موفقه ولا لا خلينا نكتب الكتاب بدل ما مولانا يروح على الفاضي كدا
روح: ضحكت
ياسر: ايوه كدا خلي الدنيا تنور ها بقا موفقه
روح: اممم ااه موفقه
المأذون
*بارك الله لكما وبارك عليكما وجمع بينكما في خير*
ياسر: اي بقا
روح: ايه
ياسر: مبروك عليا انتي
روح: ابتسمت
ياسر: اي دا احنا بنتكسف اهو وخدودنا بتحمر وعندنا غمزات كمان
روح: بكسوف بس بقا
ياسر: ماشي بس بقا خدي هنا انا ببعتلك بتقفلي وانا بكلمك
روح: انا لا محصلش
ياسر: لا والله
روح: خلاص اني اثف
ياسر: لا مليش دعوه انا باثف دي
روح: امال ايه
ياسر: قام وقف قرب منها
روح: ياسر فيه ايه
ياسر: مفيش حاجه عادي
روح: امال مالك قربت مني ليه
ياسر: اممم مش دا كتب كتابنا
روح: ااه
ياسر: راح شدها جامد ودا حضن كتب الكتاب
روح: تصدق انك غتت اوعي انت عارف اني بتحرج
ياسر: راح سبها خلاص يا ستي تعالي اقولك حاجه في ودنك طيب
روح: قول
ياسر: همسلها *بحبك*
وفي الخلفيه ام كلثوم وهي بتقول
حبيتك انت لقيتك انت بتغير كل حياتي
معرفش ازاي حبيتك معرفش ازاي يا حياتي
"ولا تدري متى وقعت في الحب، جل ما تعرفه انك مغرما"
تعليقات
إرسال تعليق