اسكريبت امطار الحب
إسراء الزهدي
البارت الأول
ريهام: يا ماما انا مش هروح المدرسة تاني غير على الإمتحانات أنا تعبت
الأم: يا ريهام يا حبيبتي مالك ايه اللي حصل
ريهام: تعبت يا ماما بيتنمرو عليه وعلى فقري انا مستحمله من زمان بس مبقتش قادرة اسمع كلامهم دا تاني بجد تعبت
الأم: بطلي دلع بقى يا ريهام وركزى ف مذكرتك وسيبك من الكلام دا أنا قلتلك ملكيش دعوه بكلام حد
ريهام: حاضر يا ماما
ــــــــــــــــــــــــــــــــــــ
مليش صحاب خالص وكلهم بيتنمرو عليه و يبعدو عنى بسبب أن بابا شغال عامل في المدرسة بتاعتي انا بفتخر بيه لكن هما بيأذوني بكلامهم حاولت استحمل وفى يوم جه ادهم زميلي في المدرسة ويتعاطف معايا دون عن باقي الطلبة
ــــــــــــــــــــــــ
ريهام الحقي بسرعة
-في اي ايه اللى حصل
=تماسكي كدا انتى قويه
-انطق يا ادهم حصل أي
=بصراحه يا ريهام والدك
-بابا مالو يا ادهم
= والدك تعيشي انتي يا ريهام
ــــــــــــــــــــــــــ
محستش بنفسي غير وانا في المستشفي وكل المدرسين والطلبة حاوليه
ادهم: حمد لله على سلامتك ياريهام شدي حيلك
بصتلهم شويه وقمت مشيت روحت البيت وانا ساكته ودماغي بتفكر ف ألف حاجه بابا دا كان موصلني الصبح و....
وصلت البيت وأول ما دخلت
يلا يا جماعه العزاء خلص منجلكوش في حاجه وحشه
ريهام: مامه بتطردي الناس ليه في ايه
ماما: ابوكي ومات هنقعد حاطين ايدينا على خدنا ونموت من الجوع كل حاجه راحت السند راح ومبقاش لينا دخل يوميت ابوكي كانت معيشانا دلوقتي هنعمل اي هنشحت الزعل ملهوش لازمه
انا: واقفه مصدومه من اللي بيحصل
ماما: وااه صحيح جهزي نفسك عشان في عريس جي يتقدملك بالليل احنا بقينا محتاجين راجل يحمينا
ريهام: ماما انتي سامعه بتقولي ايه وبعدين انا مش هتجوز وهكمل تعليمي وهبقى الدكتوره اللي بابا كان بيحلم بيها
ماما: بصي السر دا اتخبي عليكي كل السنين دي بسبب ابوكي بس انا مش هخبي اكتر من كدا واللى كان مخوفني مبقاش موجود انا مش مامتك...
اسماء ماتت وهى بتولدك بس انتي عشتي وانا كنت مرات ابوكي التانيه مش زي ما ابوكي كان مفهمش ان مراته التانيه ماتت لا امك هي اللي ماتت ودلوقتي هتتجوزي انا مقدرش على مصاريفك وقرفك
ريهام: يعني اي يعني ماما وبابا ماتو وانا
انا مليش حد خالص وبقيت لوحدي يعني كل دا كان كذب ليه بتعملو فيا كده ليه وانتى بقا رحمه مرات بابا اللي كنت بقولك يا ماما خساره فيكي الاسم
رحمة: انتي قليلة الادب
وضربتنى بالقلم جهزي نفسك عشان العريس اللي جي
ريهام: مش هقابله
رحمة: هتقبليه وغصب عنك
ــــــــــــــــــــــــــــــــ
الليل جه وجه العريس وانا انجبرت البس لبس حلو و ظبط شكلي واحط ميكب يداري أثار العياط دي وادخل اقدم العصير
ولما دخلت كانت المفجأة العريس
ريهام: انت وانا كنت بقول انك اكتر حد فهمني واكتر حد حاسس ليه ليه يا ادهم كدا ليه
ادهم: ريهام من فضلك اسمعيني
ريهام: اسمع اي كل حاجه باينه اهو انا كنت بقولك انك مختلف وانك مش بتتنمر عليا زيهم
أدهم: عن اذنك يا رحمه ممكن تسبينا لوحدنا
رحمه: هه حكم سيبهالك يا اخويا جتكم القرف انت وهي
ادهم: بصي يا ريهام اسمعيني
ريهام: بكسره اتكلم قول سمعاك
ادهم:
«فلاش باك»
يا مستر بعد اذنك ممكن انزل اغسل وشي عشان عيوني وجعاني قوي وحاسس ان في حاجه طرفتها
المستر: ااه اكيد انزل
بصوت شاحب من ورايا يا ادهم يا ادهم خد يا ابني
أتلفت
مالك يا عم فريد ايه اللي حصلك
اسمعني يا ابني انا كان عندي القلب من زمان لكن ريهام متعرفش ومخبي عليها ومخبي عليها حجات كتير يا ابني انا عارف انك اقرب حد ليها وانها بتثق فيك رحمه دي مش امها الحقيقيه امها ماتت وهي بتولدها ورحمه مستحملاها عشاني هتتبهدل من بعدي لو حصلها حاجة يا ابني خلي بالك منها دي زي اختك غلبانه ومكسورة الجناح وملهاش حد
ادهم: لي بتقول كدا يا عم فريد بس ربنا يديمك ليها ويشفيك
فريد: يا ابني انا معيش فلوس العاملية وحلتي متأخره وهموت
خلي بالك من بنتي امانه في رقبتك
اشهد ان لا اله الا الله واشهد ان محمد رسول الله
ــــــــــــــــــــــــــــــــ
ريهام الحقي بسرعة
-في اي ايه اللى حصل
=تماسكي كدا انتى قويه
-انطق يا ادهم حصل أي
=بصراحه يا ريهام والدك
-بابا مالو يا ادهم
= والدك تعيشي انتي يا ريهام
ــــــــــــــــــــ
ندهت للمدرسين ونقلنا كي المستشفى ورحت أبلغ رحمه انك في المستشفى
أدهم: رحمه الحقي ريهام اغمى عليها لما عرفت ان عم فريد مات
رحمه: احسن ياك تحصلو
ادهم: انتي مش امها
رحمه: لا مش امها
رحمه: يا بت يا فاطمه مش كنتي بتقولي انك جيبه عريس لريهام خلي يا اختي يجي ياخد البلوه دي عشان ارتاح بقى
فاطمة: حاض....
ادهم: هتجوزيها هي دي الامانه
رحمه: والنبي ياخويا انت متدخلش وخليك في حالك انا مقدرش على مصاريفها دي بلوى واللي كان مصبرني عليها اهو راح
ادهم: يبقى محدش هيتجوز ريهام غيري انا
رحمه: خدها تعالى بالليل وهات المأذون واكتب عليها انا مش هستحملها تاني دقيقه ف البيت دا
ادهم: بس انا لسه مجهزتش حاجه اصبري حتى اسبوع
رحمه: هو اسبوع واحد ملهوش تاني يا اما هخلي يحيى اخو فاطمه يكتب عليها
ادهم: يحي الحشاش بتاع البنات
دا ماشي مع بنات البلد
رحمه: ميخصنيش هو طلبها لو مخدتهاش هيخدها يحي
ادهم: انا هاجي النهارده اتقدملها ومتكفل بكل حاجه تخصها سلام ربنا ينتقم منك
ــــــــــــــــــــــــــــــ
«عودة من الفلاش باك»
بس يا ستي انا مش هتجوزك عشان حاجه انا هتجوزك عشان ابعدك عن شرها هكتب عليكي قدام الناس روتيني عشان تيجي تعيشي معايا ومحدش يقدر يتكلم عليكي بحاجة وهتكملي تعليمك وهتبقي اكبر دكتوره وهنكمل حياتنا سوى لحد ما يجي اللي يقدرك بجد ولو عايزة تكملي معاه هطلقك واجوزهولك ولو عايزة تكملي معايا هعملك اللي يرضيكي انتي وبس
بس دا لازم توفقي عشان تخلصي من الظلم دا وانا مرضلكيش تتجوزي حشاش يا ريهام انا لو ليا اخت هخاف عليها زيك وهحبها واتمنى لها الخير
ريهام: شكرا اوي يا يادهم على وقفتك جنبي بس مش قادره اتخيل ازاى كل السنين دي قدرت تمثل عليه وازاي بابا مقليش انو عندو القلب وتعبان عشان كدا دايما كان بيقولي ابقى دكتورة قلب واساعد الناس ومخدش غير فلوس مجهودي وتعبي بس وفضلت تعيط
ادهم: ادعيله بالرحمه يا ريهام
وجهزي نفسك اسبوع وهاجي اكتب عليكي واخدك لبيتي
ــــــــــــــــــــــــــــــ
تابع البارت الثاني...
تعليقات
إرسال تعليق