حوار صحفي سندس احمد
الصحفية مريم خالد البارودي
- السلام عليكم
- گ مريم خالد من جريده جاردينيا وأريد عمل لقاء صحفي معك
- ما هو اسمك؟
سندس احمد
- كم عمرك؟
15
- محافظتك؟
القاهره
- لقبك؟
جوهره الإبداع
- ما سبب اختيارك لهذا اللقب؟
لأني شايفه اني جوهره فعلا وبذات الوقت شايفه اني مبدعه دائما في مجال الكتابه
- ما هي موهبتك؟
كتابه الرويات وبعض الخواطر والكاتبات
- كيف اكتشفت هذه الموهبة؟ ومنذ متى؟
مكنتش اعرف اني هبقي كاتبه ولا كنت اتخيل اصلا غير لما جربت بالصدفه ولقيت أن في تشجيع علي الكتابه ابتديت اكتب ومن وقتها اكتشفت موهبة الكتابه ، من سنه
- مَن أول شخص عرف بموهبتك ودعمك؟
ماما
- ما هو اللون الأدبي المفضل بالنسبة لك؟
الرويات
- حَدَّثَنَا قليلًا عن مشوارك وخوضك لهذا المجال؟
ابتديت في اول روايه ليا تعبت جدا في نشرها في كل مكان وكل حته عملت احساس الثقه ان روايتي هتجيب تفاعل ومع الوقت لقيت احداث رويات جديده ومختلفه بتجيلي لوحدها الحمد لله من ساعتها اكتشفت أن دي موهبه، وبالفعل روايتي مخدتش وقت كبير اوي وبدأت تعلي تعلي لحد الان هي داخله علي ال 46 الف مشاهده وده شئ فخوره بيه جدا ومشجعني اني اكمل
- هل لديك أعمال؟ وما الذي استطعت تحقيقه منذ بدايتك في هذا المجال؟
ايون ليا خمس اعمال وفي اجازه دراستي هبدا اكمل .. حققت نجاح كبير مكنتش اتخيلو أن عملي الاول علي ابلكيشن واتباد في وقت صغير يجيب تفاعل كبير أكدلي اني فعلا في المستقبل هبقي كاتبه كبيره ليا متابعين وبنات كتير بيستفادو وبيحبو أعمالي
- ما هي التكريمات والشهادات التي حصلت عليها؟
للأسف لسه علي الموضوع ده شويه لكني باذن الله فيما بعد هعمل روايتي الأولي ورقي لتحقيقها نجاح شجعني اني اخد خطوه زي دي
- هل أنت عضوة في أحد الكيانات؟ وما أول كيان دخلته؟ وهل حصلت على الإفادة من أحدهم؟
للأسف لا لسه
- هل في يوم حد قالك إن أنت مش موهوب أو وجهلك كلام خلاك تحس إنك مش موهوب ولا كان المجتمع اللي حواليك يحبون موهبتك ويشجعوك ...؟
اهلي شجعوني جدا بجانب النقد لا ميخلنيش احس اني مش موهوبه ابدا لأني واثقه في نفسي جدا وفي شغلي ومش بسمح للنقد إنو يأثر عليا بالسلبي بـل بتقبلو بصدر رحب طلاما بأحترام .
- خلينا نتخيل أن موهبتك العظيمة دي هي طفلتك المدللة قلنا أزاي بتتعامل معاها عشان تنميها؟
لازم ديما أخرج أتجنب الروتين اتعامل مع الناس بشكل أكبر كل الكلام ده بيساعد علي عدم فقدان الشغف بالأضافه إلي قراءه الكتب والروايات ديما وحاول اصفي ذهني عشان اقدر افكر بشكل اوضح وده بيفيد في الأحداث .
- ما رأيك بالورش والكورسات؟
بتساعد علي تنميه الكتابه بشكل ملحوظ وحلو
- هل قرأت كتبا؟ وما أفضل الكتب التي قرأتها؟
اه قرأت كتب د / حنان لاشين ونجيب محفوظ وفي كُتاب كتير برضو بس ده اللي فاكراه
- هل تظن أن باستطاعة أي شخص أن يكتب؟
يكتب بشكل عام اه اكيد بينما لازم يتعلم الاول إنما كـ مجال رويات دي مش للكل دي موهبه
- كلمنا عن قدوتك؟
الكاتبه رحمه نبيل بكل أعمالها المعروفه والمشهوره وطريقه سردها الجميله
- ما هو هدفك في الفترة القادمة؟
اعمل أعمالي ورقي بأذن الله
- نصيحة للكتاب المبتدأين تقولهم أي؟
اهم نصيحه هي الاحتفاظ بأي حدث يجيي في دماغك حطيه في اي مكان لأن بعد كده ده بينفع جدا وبدل ما توقفي الفصل علي حدث معين ودماغك وقفت لا حدث انتي محتفظه بيه هيساعدك جدا بالاضافه أن أهم من كل ده انك تراعي ربنا في شغلك لو ده حصل كل حاجه هتكون جميله لأن رضا ربنا أهم من كل حاجه
- هل تريد تقديم الشكر إلى أحدهم؟
بشكر امي طبعا لأنها داعمتي الأولي
- هل لنا أن نطرق ببعض إبداع قلمك:
وتبقي الـ كُنت ماضي، ماضي وقسوه مؤلمه مررنا بها ارتنا الكثير وغيرت بنا الأكثر وبالنهايه لقد أصبحنا أقوي من قبل، اصبحنا اقسي واكبر عقلاً وقلباً وليس سناً.
- أتمنى أن تحقق ما ترغب به، وهكذا يكون قد انتهى اللقاء، ونتمنى لك النجاح فيما هو قادم، وكان شرف لنا عمل اللقاء معك، والسلام عليكم.
الشرف ليا شكرا جدا .
تعليقات
إرسال تعليق