حوار صحفي منى محمد
حاورتها ياسمين احمد
السلام عليكم
انا ياسمين احمد من جريدة جاردينيا واريد عمل لقاء صحفي معاكي
عرفيني بنفسك؟
انا اسمي منى محمد الشهيرة ب مينوو
كام عمرك؟
22سنه
بلدك؟
محافظة سوهاج
متى بدأتِ في الكتابة؟
من حوالي خمس سنين بس بشكل مستمر من اكتر من سنتين
هل لديكِ أوقات معينة مخصصة للكتابة؟
لا خالص في أي وقت بمجرد ما الفكرة تجيلي في دماغي بكتب عادي
واي كان الدافع الاول للنجاح في مجال حاليا بيشمل الكبير قبل الصغير؟
الدافع الأساسي رغبتي في النجاح انا خسرت حاجات كتير جدا وبحاول ألقي نفسي في الكتابة
كيف قدرتي تتخطى كل صعوباتك الي واجهتها؟
بالوقت الوقت كفيل يساعد أي شخص علي تخطي أي صعوبات مهما كانت الصعوبات شديدة وأكبر من سن الشخص بالوقت هتعدي
هل أنتِ عضوة في أحدى الكيانات؟ وما هم؟ وهل حصلتِ على الإفادة من أحدهم؟
اه انا كنت عضوة في كيان "مزيج" وكيان "نصوص عظيمة" وكيان "حبر لا يجف" وحاليا عضوة في كيان جاردينيا طبعا استفدت كتير جدا من انضمامي للكيانات اكتسبت خبرة زياده فالكتابه مهارة محتاجه تنمية وممارسة والانضمام للكيانات أدني الفرصه دي
هل لديكِ أعمال فردي ام مجمع ام إلكتروني ؟
أعمال فردية لسه وإن شاء الله دي الخطوة الجايه أم الكتب المجمعة المطبوعة فأنا شاركت في معرض الكتاب 2021مرتين في كتاب "حبر مبعثر" وكتاب "مراسيل من LASVEGOS"
وشاركت في اتنين من الكتب الاكترونية
كتاب "ترهات ليليه"
وكتاب "كمد"
ما الذي تريدين فعله الفترة القادمة؟
اطبع روايتي الخاصة واكيد اتمني تحقق نجاح مبهر إن شاء الله
هل في يوم حد قالك ان انتي مش موهوبه او وجهلك كلام خلاكي تحسي انك مش موهوبه او كان المجتمع الي حوليك بيحبوا موهبتك وبيشجعوكي..؟
هو من الطبيعي في الحياة تقابلي ناس محبطة ومش حابه نجاحك وكلنا هنقابل الناس دي والحقيقه اني كلامهم كفيل يخلينا نتقدم مش العكس فكلامهم السلبي بيكون دعم لينا عشان نثبت العكس
نصيحة للكُتاب المبتدأين تقوليلهم اي؟
بلاش يأس وحزن علي أي حاجة كل شيء قابل للتعويض واللي عنده حلم يخليه وراه واكيد هيوصل مهما واجهته صعوبات في الوصول
سعيده بمعرفتك جدا وأتمنى أن تحققي ما ترغبين به، وهكذا يكون قد أنتهى اللقاء، ونتمنى لكِ النجاح فيما هو قادم، وكان شرف لنا عمل اللقاء معكِ، والسلام عليكم.
وانا أسعد ياقلبي واتمني أكون عند حسن ظن كل اللي بيحب كتاباتي وعليكم السلام ورحمة الله
تعليقات
إرسال تعليق